Eriluayo 38:1-31
38 Mwakokotya ekiherero ky’erihisiryako obukwa omo muti w’olughando.* Kyabya kilingirirene oko mbande syakyo syosi. Kyabya n’obuli bw’amaboko* atano, obutambi bw’amaboko atano, n’obuli erilola endata amaboko asatu.
2 Neryo mwakokotya amahembe wakyo oko syongonde* syakyo 4. Amahembe wakyo abya abatsirwe kukyo. Neryo mwabamba kukyo kw’ekwivre.*
3 Enyuma sy’aho, mwakokotya ebindu byosi by’erikolesya oko kiherero ekyo; esyombegeti, ebipao, ebibakuli, esyokanya, n’ebindu by’erihombereryamo omuliro. Ebindu byakyo byosi mwakokotyabyo omo kwivre.*
4 Mwakokotya n’akaingilo akalukire omo kwivre,* amasosako butambi-tambi omo kati-kati k’ekiherero ahikwa oko musike owatimbire kukyo.
5 Mwakokotya n’emiseghe 4 y’erihira oko syongonde* 4 hakuhi n’akaingilo k’ekwivre* ako, ey’erilabyamo emighamba.*
6 Enyuma sy’aho mwakokotya emighamba* omo muti w’olughando* n’eribamba kuyo kw’ekwivre.*
7 Mwingirya emighamba* eyo omo miseghe eyabya oko syombande sy’ekiherero busana n’erihekakyo. Mwakokotya ekiherero ng’erisanduku ry’embao erihurungene.
8 Neryo mwakokotya ekibeseni ky’ekwivre* n’ekindu kyakyo ky’erikalirako eky’ekwivre.* Mwakokotyabyo omo biyo* by’abakali ababya ibabiritondekwa erikola omubiiri oko lukyo lw’ehema y’erihindanamo.
9 Enyuma sy’aho mwahala obutala. Mwakokotya esyorido sy’oko buli bw’amaboko 100 omo kitani ekihungire ndeke sy’erilelembya oko luhande lw’eyikwa lw’obutala obo.
10 Habya esyonduyi 20 n’ehindu hyasyo 20 hy’erikalirako ehirimo ebyuna ehikokotibwe omo kwivre.* Ehingopa* hy’esyonduyi n’amalungiro* wasyo byabya by’efeza.*
11 N’oko luhande lw’endata, kwabya kulelembibwe esyorido oko maboko 100. Esyonduyi syasyo 20 n’ehindu 20 ehirimo ebyuna hy’erikaliryako esyonduyi esyo byabya bikokotibwe omo kwivre.* Ehingopa* hy’esyonduyi n’amalungiro* wasyo byabya by’efeza.*
12 Nikwa oko luhande lw’eyo eryuba rikalengera yabya yilelembibwe esyorido oko maboko 50, yabya esyonduyi 10, n’ehindu hyasyo 10 hy’erikalirako ehirimo ebyuna, n’ehingopa* hy’esyonduyi esyo n’amalungiro* wasyo byabya by’efeza.*
13 Obutambi bw’oko luhande lw’eyo eryuba rikasira bwabya bw’amaboko 50.
14 Oko luhande lwayo lughuma, yabya ilelembibwe esyorido oko maboko 15. Yabya esyonduyi isatu n’ehindu hyasyo hisatu hy’erikalirako ehirimo ebyuna.
15 N’oko lundi luhande l’oko lukyo lw’obutala yabya ilelembibwe esyorido oko maboko 15. Yabya esyonduyi isatu haghuma n’ehindu hyasyo hisatu hy’erikalirako ehirimo ebyuna.
16 Esyorido syosi esyabya silelembibwe eritimba oko butala, syabya sikokotibwe omo kitani ekihungire ndeke.
17 Ehindu ehirimo ebyuna ehy’erikaliryako esyonduyi, hyabya hikokotibwe omo kwivre.* Ehingopa* hy’esyonduyi n’amalungiro* wasyo byabya bikokotibwe omo feza.* Emitwe-mitwe y’esyonduyi yabya yibambirweko efeza.* Esyonduyi syosi sy’obutala, syabyako ebibohi by’efeza.
18 Akarido k’oko lukyo lw’obutala, kabya kalukire omo uzi ye ble,* obweya bw’embuli bw’erangyi y’olubono-bono,* e uzi y’erangyi y’omusasi eyihena-henirye, n’ekitani ekihungire ndeke. Akarido ako kabya n’obuli bw’amaboko 20, obutambi bw’amaboko atano. Kabya n’obuli bughumerera n’esyorido esyabya silelembibwe oko butala.
19 Esyonduyi ini sy’esyorido esyo, n’ehindu 4 ehirimo ebyuna ehy’erikaliryako esyonduyi esyo, byabya bikokotibwe omo kwivre.* Ehingopa* hyasyo hyabya hy’efeza,* emitwe-mitwe yasyo n’amalungiro* wasyo byabya bibambirweko efeza.
20 Esyongondo* syosi sy’etabernakulo n’esy’eritimba oko butala bosi syabya sy’ekwivre.*
21 Eyi y’emighanzo y’ebindu ebyakolesibawa erikokotya etabernakulo, ni bugha ambu etabernakulo y’Endaghane. Musa yo walayira ati emighanzo eyi ikolawe n’Abalawi bakasondolwa na Itamari omughala w’omuhereri Haruni.
22 Bezaleli omughala wa Uri omughala wa Huri ow’omo kihanda kya Yuda mwakola ebyosi ebyo Yehova alayira Musa.
23 Abya haghuma na Oholiabu mughala wa Ahisamaki, ow’omo kihanda kya Dani, omufundi, omudesi w’esyongyimba, kandi omuluki owe uzi ye ble,* obweya bw’embuli bw’erangyi y’olubono-bono,* e uzi y’erangyi y’omusasi eyihena-henirye, n’ekitani ekihungire ndeke.
24 Ehoro yosi eyakolesibawa oko mubiiri w’ahabuyirire* yabya yilingirirene n’ehoro y’obuhere bw’erihungya-hungya; esyotalanta* 29, n’esyoshekeli* 730 erikwamana n’olulengo lw’eshekeli y’ahabuyirire.
25 N’efeza* y’abandu b’omo ndeko abahandikawa yabya talanta 100 n’esyoshekeli 1 775 erikwamana n’olulengo lw’eshekeli y’ahabuyirire.*
26 Enusu y’eshekeli eyatekawa n’obuli mundu yabya nusu y’eshekeli erikwamana n’olulengo lw’eshekeli y’ahabuyirire.* Yatekawa n’obuli mulume oyo wabya omo kati-kati k’abahandikawa eritsuka oko myaka 20 erilola endata. Abahandikawa babya 603 550 (elfu mia sita na tatu mia tano makumi tano).
27 Esyotalanta sy’efeza* esyanunibawa busana n’erikokotya ehindu hy’eriikalirako ehirimo ebyuna hy’ahabuyirire n’ehindu ehirimo ebyuna busana n’esyorido syabya talanta 100. Esyotalanta 100 busana n’erikokotya ehindu ehirimo ebyuna 100. Etalanta nguma busana n’akandu kaghuma akalimo ekyuna ak’erikalirako.
28 Mwakolesya esyoshekeli 1 775 erikokotya ehingopa* hy’esyonduyi n’eriswika emitwe-mitwe yasyo n’erilunganisyasyo haghuma.
29 Ekwivre* eyaletawa mo kihembo* yabya talanta 70, n’esyoshekeli 2 400.
30 Ekwivre* eyi yo akokotayamo ehindu hy’erikalirako ehirimo ebyuna ehy’oko lukyo lw’ehema y’erihindanamo, ekiherero ky’ekwivre,* n’akaingilo kakyo k’ekwivre, ebindu byosi by’erikolesya oko kiherero ekyo,
31 ehindu hy’erikalirako ehirimo ebyuna hy’eritimbya oko butala, n’ehy’oko lukyo lw’obutala, n’esyongondo syosi sy’etabernakulo n’esy’eritimbya oko kibugha kyosi.
Amaelezo awehikwa
^ Kutse “omughandwe.”
^ Okuboko kughuma ini santimetre 44.5. Ulebaye Endomeko B14.
^ Kutse “esonda.”
^ Kutse “omulinga.”
^ Kutse “omulinga.”
^ Kutse “omulinga.”
^ Kutse “esyosonda.”
^ Kutse “omulinga.”
^ Kutse “emiraba.”
^ Kutse “emiraba; emiti y’erihekerako.”
^ Kutse “omughandwe.”
^ Kutse “omulinga.”
^ Kutse “emiraba; emiti y’erihekerako.”
^ Kutse “omulinga.”
^ Ni bugha ambu, ebiyo ebikokotibwe omo kyuma ekyabirihalwa ndeke. Ebiyo bya kera ibikakokotibawa omo byuma ng’ebronze, n’ekwivre, n’enyuma sy’aho omo bati, feza, nibya n’omo horo.
^ Kutse “omulinga.”
^ Kutse “omulinga.”
^ Kutse “amarobo; crochets.”
^ Kutse “ebisu; emiseghe; ehyuma hy’erimatiryamo.”
^ Ni kindu ky’obughuli ekikalua omo kitaka.
^ Kutse “omulinga.”
^ Kutse “amarobo; crochets.”
^ Kutse “ebisu; emiseghe; ehyuma hy’erimatiryamo.”
^ Ni kindu ky’obughuli ekikalua omo kitaka.
^ Ni kindu ky’obughuli ekikalua omo kitaka.
^ Kutse “amarobo; crochets.”
^ Kutse “ebisu; emiseghe; ehyuma hy’erimatiryamo.”
^ Kutse “omulinga.”
^ Kutse “amarobo; crochets.”
^ Kutse “ebisu; emiseghe; ehyuma hy’erimatiryamo.”
^ Ni kindu ky’obughuli ekikalua omo kitaka.
^ Ni kindu ky’obughuli ekikalua omo kitaka.
^ Kutse “akaniki; omuteghule.”
^ Kutse “erangyi y’omunyama; pourpre.”
^ Kutse “omulinga.”
^ Kutse “oburobo; crochets.”
^ Ni kindu ky’obughuli ekikalua omo kitaka.
^ Kutse “ebisu; emiseghe; ehyuma hy’erimatiryamo.”
^ Kutse “omulinga.”
^ Kutse “piquets.”
^ Kutse “akaniki; omuteghule.”
^ Kutse “erangyi y’omunyama; pourpre.”
^ Etalanta nguma ini bilo 34.2. Ulebaye Endomeko B14.
^ Kutse “eshekeli eyibuyirire.”
^ Eshekeli nguma ini grama 11.4. Ulebaye Endomeko B14.
^ Ni kindu ky’obughuli ekikalua omo kitaka.
^ Kutse “eshekeli eyibuyirire.”
^ Kutse “eshekeli eyibuyirire.”
^ Ni kindu ky’obughuli ekikalua omo kitaka.
^ Kutse “amarobo; crochets.”
^ Kutse “omulinga.”
^ Kutse “ekihembo ky’erihungya-hungya.”
^ Kutse “omulinga.”
^ Kutse “omulinga.”
