Esyonyimbo 101:1-8
Olwa Daudi. Omuziki.
101 Ngendimba oko bilebirye olwanzo oluteleghula n’obulingirirania.
Yehova, ngendikwimbira* esyonyimbo sy’eripipa.
2 Ngendikola n’obuyiteghererya kandi isiniriko lubanza.*
Ukendinihikako mughulu wahi?
Ngendilendera omo nyumba yaghe n’omutima owaluyirirene.
3 Sinendihira ekindu kyosi-kyosi ekitawite omughaso* embere sy’ameso waghe.
Niponire emikolere y’abakakita oko kyuwene;Sinendisyakola obwira bosi-bosi nabo.*
4 Omutima mubi ali hali okw’ingye;Sinendisyaligha* ekituwene.
5 Owosi-wosi oyukalegha mulikyabo bubiso-biso,Ngendisyamuhunia.*
Owosi-wosi ow’ameso w’erighundu n’omutima owakayiheka,Sinendisyamulekerera.
6 Ngenditungerera abataleghula b’oko kihugho,Batoke eriikala haghuma naghe.
Oyukayighendaya butsira erikola ebibi* akendisyanikolera.
7 Omutebya wosi-wosi syangikala omo nyumba yaghe,N’omubehi syangikala embere syaghe.*
8 Omo buli tututu ngendibya ngahunia* ababi bosi b’oko kihugho,Erilusya abakola-nabi bosi omo muyi wa Yehova.
Amaelezo awehikwa
^ Kutse “ngendisyakutungira akasimo.”
^ Kutse “ninaluyirirene.”
^ Kutse “ekitawite ndundi yosi-yosi.”
^ Kutse “emikolere yabo si yihambene naghe.”
^ Kinywa kwa kinywa, “sinendisyaminya.”
^ Kutse “ngendisyamubughaho.”
^ Kutse “oyukayighendaya omw’iluyirirana.”
^ Kinywa kwa kinywa, “embere sy’ameso waghe.”
^ Kutse “ngendisyabughaho.”