Esyonyimbo 103:1-22
Olwa Daudi.
103 Muleke nipipe* Yehova;Muleke ebyosi ebiri emwisi syaghe bipipe erina liwe ribuyirire.
2 Muleke nipipe* Yehova;Isinasyibirirawa n’ahake ebyosi ebyo abirikola.
3 Akaghanyira ebibi byaghu byosiN’erilamya esyondwala syaghu syosi;
4 Akasabula engebe yaghu oko kyuna*N’erikuhirako embita y’olwanzo lwiwe olutaleghula n’obughanyiri bwiwe.
5 Akakughutaya ebindu bibuya omo ngebe yaghu yosi,Neryo amaka waghu w’obulwana iniatasyabya mahya-mahya nga w’erisamba.
6 Abosi abakanuba,Yehova akabakolera omo ritunganene n’omo bulingirirania.
7 Mwaminyisya Musa esyonzira siwe,Mwaminyisya abaghala ba Israeli emikolere yiwe.
8 Yehova ni mughanyiri kandi akakwira abandu b’obulighe,*Syalihitana luba-luba kandi oswire n’olwanzo oluteleghula.*
9 Syalisondekanaya amakosa mughulu wosi,Kutse syalibika ekinigha kera na kera.
10 Syalitatukolera erikwamana n’amalolo wetu,Kutse syalitatuliha ebyo ebibi byetu bitolere.
11 Kusangwa ngoko ekyanya kiri endata yo hali oko kihugho,N’olwanzo lwiwe oluteleghula ko na lunene lutya oko bakamubaha.
12 Ngoko eyo eryuba rikabuka ni hali oko eyo eryuba rikalengera,Kw’anabirihira atya ebibi byetu byo hali okw’itwe.
13 Ngoko tata akanaghanyira abana biwe,Yehova naye kw’akanaghanyira atya abosi abakamubaha.
14 Kusangwa anasi ndeke ngoko tukokotibwe,Akibuka ngoko tuli lututu.
15 Ebiro by’omundu oyukahola biri ng’eby’ebiti;Akahuluka ng’eriwa ry’omoli.
16 Aliwe omughulu erihunga rikabuhirira, rikahwaho,Iryabya nga siririlyatabyaho.*
17 Alliwe olwanzo oluteleghula lwa Yehova ni lwa kera na kera*Oko bakamubaha,Kandi akakanganaya eritunaganene liwe oko bana b’abana babo.
18 Oko bakasikaya endaghane yiweN’oko bakayikasa erisikya erilayira riwe.
19 Yehova abirihangania ndeke ekitumbi kiwe ky’obwami omo lubula;N’obutabali bwiwe bukatabala oko buli kindu.
20 Mupipe Yehova, inywe bamalaika biwe bosi, ab’amaka n’obutoki,Inywe mukasikaya ekinywa kiwe, n’eryowa omulenge wiwe.*
21 Mupipe Yehova inywe milondo yiwe yosi y’abasuda,Abaghombe biwe abakakola erisonda riwe.
22 Mupipe Yehova, inywe mibiiri yiwe yosi,Omo myanya yosi eyo akatabalako.*
Eribyaho lyaghe ryosi* ripipe Yehova.
Amaelezo awehikwa
^ Kutse “enafsi yaghe.”
^ Kutse “enafsi yaghe.”
^ Kutse “eyisinda.”
^ Kutse “ni w’olukogho.”
^ Kutse “obubuya bw’olwanzo.”
^ Kinywa kwa kinywa, “omwanya walyo syalisyaminyaryo.”
^ Kutse “erilua kera na kera erihika kera na kera.”
^ Kinywa kwa kinywa, “inywe mukowa omulenge w’ekinywa kiwe.”
^ Kutse “omo myanya yosi y’obutabali bwiwe obukulu oko matabali wosi.”
^ Kutse “enafsi yaghe.”
