Esyonyimbo 107:1-43
107 Muhe Yehova y’ewasingya, kusangwa ni mubuya;Olwanzo lwiwe oluteleghula ni lwa kera na kera.
2 Abo Yehova akombola* babughe eki,Abo akombola erilua omo byala* by’enzighu,
3 Abo ahindanaya haghuma erilua omo bihugho,Erilua oko luhande lw’eyo eryuba rikasira, n’erilua oko luhande lw’eyo eryuba rikalengera,*Erilua oko luhande lw’endata, n’erilua oko luhande lw’eyikwa.
4 Mubaghanga-ghanga omo mbwarara, omo lukwesese;Mubatabana enzira eyikaya oko muyi eyo bangikala.
5 Mubakwa enzala n’enyota;Mubalembera* busana n’enduhi.
6 Omo malighe wabo ibakalakira Yehova;Naye mwalamyabo oko buligho bwabo.
7 Mwalabyabo omo nzira eyuweneErikolyabo omo muyi eyo bangikala.
8 Abandu bahe Yehova y’ewasingya busana n’olwanzo lwiwe oluteleghulaNa busana n’emyatsi yiwe y’eriswekera eyo akakolera abaghala b’abandu.
9 Kusangwa abiribugha enyota y’oyukwire enyota*N’eryughutya oyukwire enzala* omo bindu bibuya.
10 Abaghuma babya bikere omo mwirimya w’enyahinda,Babya bandu b’omuliki abakaghalawa n’ababohirwe omo byuma.
11 Kusangwa babya ibabiriyisamambula oko kinywa ky’oMungu;Mubapokya erihano ry’Ow’endata Kutsibu.
12 Neryo mwabaletera amaligho bayikehaye omo mitima yabo;Mubatwikala n’eriwa, kandi isihali oyo wangabawatikya.
13 Omo malighe wabo mubalakira Yehova;Naye mwabalamya oko buligho bwabo.
14 Mwalusyabo omo mwirimya munene w’enyahinda,N’eritsutsanga eminyororo* yabo.
15 Abandu bahe Yehova y’ewasingya busana n’olwanzo lwiwe oluteleghulaNa busana n’emyatsi yiwe y’eriswekera eyo akakolera abaghala b’abandu.
16 Kusangwa abiritsutsanga emilango y’ekwivre*N’eritwa emihomo y’ebyuma.
17 Babya bakiru neryo mubaghalwa kutsibuBusana n’ebibi byabo n’erihalya lyabo.
18 Mubatasyabya n’omuhwa* w’erirya akalyo kosi-kosi;Mubaseghera hakuhi n’omulango w’oluholo.
19 Omo malighe wabo ibakalakira Yehova;Naye iniakalamayabo oko buligho bwabo.
20 Iniakatuma ekinywa kiwe n’erilamyaboKandi iniakaluasayabo omo byuna ebyo babya ibabirihambirwamo.
21 Abandu bahe Yehova y’ewasingya busana n’olwanzo lwiwe oluteleghulaNa busana n’emyatsi yiwe y’eriswekera eyo akakolera abaghala b’abandu.
22 Baherere amahere w’ewasingyaN’eritulaghania emibiiri yiwe omo milenge y’obutseme.
23 Abakalaba oko ngetse nene omo mato manene-menene,Abakakola obuhingania bwabo oko maghetse mangyi,
24 Babirilangira emibiiri ya YehovaN’emibiiri yiwe y’eriswekya omo mitobero y’amaghetse;
25 Ngoko akabugha ekinywa, ekihunga ikyabuhirira,Ikyasumba ebisunda by’engetse.
26 Abakalaba omo ngetse omo mato bakasumbirawa omo kyanya;Bakongoberera omo mitobero.
Obuhaka* bwabo bukabahwamo bakalangira obuhanya obukisiya ibwabahikira.
27 Bakakwa olususu n’erighuna-ghuna ng’omundu oyukundire,N’obufundi bwabo sibulibawatikaya okuki.
28 Neryo omo malighe wabo bakalakira YehovaNaye inialamyabo oko buligho bwabo.
29 Akabonderaya ekihunga;Ebisunda by’engetse bikabondera.
30 Bikabya byatulera, bakatsema,Neryo akasondolabo ibahika oko mwalo aho balue banzire.
31 Abandu bahe Yehova y’ewasingya busana n’olwanzo lwiwe oluteleghulaNa busana n’emyatsi yiwe y’eriswekera eyo akakolera abaghala b’abandu.
32 Bamuhalambe omo ndeko y’abandu,Bamupipe omo kyaghanda* ky’abasyakulu.
33 Akayira esyonyusi mo lukweseseN’esyongununuko sy’amaghetse mo kitaka ekyumire,
34 Ekitaka ekirimo embolewa ikyabya kitaka ekitsandire* ekirimo omunyu,Busana n’obubi bw’abikere mukyo.
35 Akabindula olukwesese ilwabya bisanga ebirimo ebibingu,N’ekitaka ekyumire mo ngununuko y’amaghetse.
36 Akaleka abakwire enzala ibikalayo,Bayihimbireyo omuyi w’eriikalamo.
37 Bakabiba embuto y’omo malimaN’erihera amalima w’emizabibu awakeraya kutsibu.
38 Akatsumulabo nabo ibakanyirira kutsibu,Syaliligha ebihangulo byabo bikakeha.
39 Aliwe kandi bakakeha n’erihemulwaBusana n’erinubibwa, obuhanya, n’obulighe.
40 Akuta akaghonero oko syoseghu-seghuN’erileka ibaghanga-ghanga omo bihugho by’olukwesese ebitemo nzira.
41 Aliwe akateghaya* omwera oko munuboN’erileka ebihanda byabo ibyakanya ng’ebihangulo by’esyombuli.
42 Abatunganene bakalangira eki neryo ibatsema;Nikwa abatatunganene bosi bakakumba amuno wabo.
43 Omundu wosi-wosi w’amenge akendisyayiteghererya emyatsi eyiN’erighanirya ndeke-ndeke oko mibiiri ya Yehova ey’olwanzo oluteleghula.
Amaelezo awehikwa
^ Kutse “abo Yehova atongolaya.”
^ Kutse “omo butoki.”
^ Kutse “erilua oko matanga ryuba, erihika oko malengera ryuba.”
^ Kutse “esyonafsi syabo musyalembera.”
^ Kutse “enafsi eyumire; enafsi eyik’akirira.”
^ Kutse “enafsi eyiwirire.”
^ Kutse “emiseghe.”
^ Kutse “omulinga.”
^ Kutse “enafsi yabo muyakwa esyonye.”
^ Kutse “enafsi yabo ikayeyuka.”
^ Kinywa kwa kinywa, “ahakikala.”
^ Kutse “mulala.”
^ Kutse “akasumbira endata.” Ni bugha ambu, isibahikawako.
