Esyonyimbo 108:1-13
Olwimbo. Omuziki wa Daudi.
108 Mungu, omutima waghe asikire.
Ngendiimba n’eriwata omuziki ingye wosi.*
2 Ubuke, iwe kyombo ky’omuziki eky’esinga; naghu kutya, iwe nanga.*
Ngendibukya emitsange.
3 Yehova ngendikupipa omo kati-kati k’ebitunga by’abandu,Ngendikwimbira* esyonyimbo sy’eripipa omo kati-kati k’ebihanda.
4 Kusangwa olwanzo lwaghu oluteleghula ni lunene, luhikire elubula,N’obutaleghula bwaghu buhikire oko bitu.
5 Mungu, ukanganaye obukulu bwaghu endata omo kyanya;Olukengerwa lwaghu lubye endata oko kihugho kyosi.
6 Neryo abanzwa baghu ibatoka erilamibwa,Utulamaye omo byala byaghu by’amali kandi unisubiraye.
7 OMungu abiribugha omo bubuyirire* bwiwe ati:
“Ngendisyayisyandira, ngendisyaha abandu baghe e Sekemu mo mwandu,Ngendisyapimira abandu baghe Omusya* we Sukoti.
8 E Gileadi ni yaghe, kutya na Manase,Na Efraimu ni kikeke* ky’omutwe waghe;Yuda ni mutso waghe w’obusondoli.
9 Moabu ni beseni* yaghe y’erinabiramo.
Ngendisyaghusa ekiryato kyaghe oko Moabu.
Ngendisyuta obwogho bw’erikinda oko Filistia.”
10 Nindi yukendisyanitwala oko muyi owasikire?
Nindi yukendisyanisondola erihika ne Edomu?
11 Nindi ate in’iwe, oyo wabiritughana,OMungu wetu oyutakighenda haghuma n’emilondo yetu?
12 Utuwatikaye omo bulighe bwetu,Kusangwa omulamo owakalua oko bandu ni buyira.
13 Erilabira oMungu tukendisyabana amaka,Tukendisyalyatangira esyonzighu syetu.
Amaelezo awehikwa
^ Kinywa kwa kinywa, “nibya n’olukengerwa lwaghe.”
^ Kutse “edungu.”
^ Kutse “ngendikutungira akasimo.”
^ Kutse alinga, “omwanya wiwe owabuyirire.”
^ Kutse “eribanda.”
^ Kinywa kwa kinywa, “ahakongotere.”
^ Kutse “erirobe.”
