Esyonyimbo 109:1-31
Oko musondoli. Olwa Daudi. Omuziki.
109 Mungu niwe ngapipa, isiwabya bukutu.
2 Kusangwa abandu babi n’ababehi bakakumbula amuno wabo erilwa naghe.
Bakanikanayako omo syondimi syabo esikabugha amabehi;
3 Bakanitimbako ibanemubugha ebinywa by’erinipona,Kandi bakalwa naghe isihali n’ekikaleka.
4 Ngakanganayabo olwanzo ibo ibalwa naghe;Nikwa ngayitsinga erisaba.
5 Bakaniliha ekibi busana n’ekibuyaKandi bakanikwa obusu busana n’olwanzo lwaghe.
6 Usombole omundu mubi atswere enzighu yaghe;Oyukamuhandikirira* imane oko byala biwe by’amali.
7 Omughulu akatswerawa, abanikeko olubanza;*Nibya n’omusabe wiwe aghanzawe mo rilolo.
8 Ebiro biwe bibye bike;Omubiiri wiwe w’obwimaniri oghundi mundu imayegho.
9 Abana* biwe babye ngubi,N’omukali wiwe, abye mukwa-kali.
10 Abana* biwe babye bakaghanga-ghanga kandi babye bakasabirirya,Babye bakayasonda-sonda akalyo erilua omo bwikalo bwabo obuli bisambukalirya.
11 Oyo wamubweka ahambe* ebyosi ebyo awite,N’ab’ehandi bahunge obuteke bwiwe.
12 Isihabanika omundu wosi-wosi oyukamukanganaya omutima mubuya,*Kandi isihabya n’oyukakanganaya esyongubi siwe sy’olukogho.
13 Abana* biwe babughaweho;Erina lyabo rizimawe omo kizazi.*
14 Yehova ibuke erilolo ly’abotata-kulu wiwe,N’erilolo lya mama wiwe isilyazimawa.
15 Mughulu wosi Yehova abye inianibukire ekyo bakola;Kandi abugheho eryibukwa lyabo omo kihugho.
16 Kundi omundu oyo mwatibuka erikangania omutima mubuya,*Nikwa mwabera erikwamirira oyukanubibawa, omwera, n’oyubunikire mutimaAkasondekania erimwita.
17 Inianzire eritakira, neryo naye ekyo kyo kyamuhikira;Isyalyanza eritsumula, neryo mwatabana omuyisa wosi-wosi.
18 Mwambala ebinywa by’eritakira ng’olukimba.
Mubyingira omo mubiri wiwe ng’amaghetse,Omo makuha wiwe ng’amaghuta.
19 Ebinywa biwe by’eritakira bibye ng’olukimba olo akayiswikaNg’omukaba ogho akambala mughulu wosi.
20 Yehova kw’akaliha atya oyukalwa nagheN’abakanibughako emyatsi mibi.*
21 Aliwe iwe Yehova, Mukama Mukulu oko Bosi,Unilwireko busana n’erina lyaghu.
Unilamaye, kundi olwanzo lwaghu oluteleghula ni lubuya.
22 Kusangwa indi muhanya kandi mwera,Omutima waghe abiritsimitangwa emwisi syaghe.
23 Ngalaba ng’ekitsutsu ekikaghenda kikabulirana;Nabirikungutwa ng’engyike.
24 Amarwi waghe abirinogha busana n’erikola amafungo;Niri mubondu, kandi ngayiholera.*
25 Nabiribya kindu ekyo bakasekereraya.
Bakabya banilangira, bakatsingaya emitwe.
26 Yehova Mungu waghe, uniwatikaye;Unilamaye omo lwanzo lwaghu oluteleghula.
27 Baminye ngoko eki ni busana n’ebyala byaghu;Ngoko iwe Yehova, wabirikolakyo.
28 Uleke batakire, aliwe iwe utsumule.
Omughulu bakahangana erilwa naghe, bahemulawe,Aliwe omughombe waghu atseme.
29 Abakalwa naghe bambalibawe erikuta-kuta;Bambale esisoni syabo ng’ekanzu.*
30 Obuno bwaghe bukendipipa Yehova n’omuhwa munene;Ngendimupipa embere sy’abandu bangyi.
31 Kusangwa akendihangana oko byala by’amali by’omweraErimulamya oko bakamutswera.*
Amaelezo awehikwa
^ Kutse “oyukalwa naye.”
^ Kutse “omusango; abanikeko ekibi.”
^ Kinywa kwa kinywa, “abaghala.”
^ Kinywa kwa kinywa, “abaghala.”
^ Kutse “abakamughutirako bamuhirireho ebitegho oko.”
^ Kutse “olwanzo oluteleghula.”
^ Kutse “olubuto.”
^ Kutse “omo lulengo.”
^ Kutse “olwanzo oluteleghula.”
^ Kutse “abakabugha oko nafsi yaghe kw’emyatsi mibi.”
^ Kinywa kwa kinywa, “omubiri waghe abiribya mukangati; syakirimo ebisabu (amaghuta.)”
^ Kutse “erikoti eriteko amaboko.”
^ Kutse “abakatswera enafsi yiwe.”
