Esyonyimbo 11:1-7
Oko musondoli. Olwa Daudi.
11 Yehova yo busayiro bwaghe.
Neryo busanaki ukambwira* uti:
“Usaghire oko kitwa kyaghu ng’enyunyu!
2 Lebaya ngoko ababi bakakakaya obuta;Bakahira emisoha yabo oko muliki w’obuta,Bakakola batya ibane omo mwirimya batoke erilasa abatunganene.
3 Omutunganene angakolaki,Omughulu esyofondasyo* sikahimbulawa?”
4 Yehova ali omo hekalu yiwe eyibuyirire.
Ekitumbi ky’obwami kya Yehova kiri elubula.
Ameso wiwe akalangira, ameso wiwe akatungerera* abaghala b’abandu.
5 Yehova akayiteghereraya omundu mubuya n’omundu mubi;Aponire* omundu wosi-wosi oyo wanzire emyatsi y’amalwa.
6 Akendisyutulira oko babi k’obuhanya;*Omuliro n’amakala awakaka n’erihunga bikendisyabya righabo ry’ekopo yabo.
7 Kusangwa Yehova atunganene; anzire emikolere eyitunganene.
Abatunganene bakendisyalola oko busu bwiwe.*
Amaelezo awehikwa
^ Kutse “ukabwira enafsi yaghe.”
^ Kutse “esyofondasyo sy’obulingirirania.”
^ Kutse “ameso wiwe awatwire.”
^ Kutse “iyuwene-wene aponire; enafsi yiwe yiponire.”
^ Kinywa kwa kinywa, “ebitegho.” Kutse “amakala awakaka.”
^ Kutse “bakendisyabana emiyisa yiwe.”
