Esyonyimbo 112:1-10
112 Mupipe Yah!*
א [Aleph]
Omundu oyukubaha Yehova atsemire,ב [Beth]Oyukatsemera emighambo yiwe yo kutsibu.
ג [Gimel]
2 Abana biwe bakendisyabya b’amaka oko kihugho,ד [Daleth]N’ekizazi* ky’omundu oyulungukere kikendisyatsumulwa.
ה [He]
3 Obuteke n’ebindu biri omo nyumba yiwe,ו [Waw]N’eritunganene liwe rikabya irineho kera na kera.
ז [Zayin]
4 Oko mundu oyulungukere, akakoleraya ng’ekyakakala omo mwirimya.
ח [Heth]
Akakwira abandu b’obulighe,* ni mughanyiri, kandi atunganene.
ט [Teth]
5 Omundu oyukabweka butsira buhemu* emyatsi ikamughendera ndeke.
י [Yod]
Akakola emyatsi yiwe omo bulingirirania.
כ [Kaph]
6 Syendisyasuka-sukanibwa n’ahake.
ל [Lamed]
Omutunganene akendisyibukwa kera na kera.
מ [Mem]
7 Syangubaha esyongulu nyibi.
נ [Nun]
Omutima wiwe asikire, ayiketere Yehova.
ס [Samekh]
8 Omutima wiwe asikire; syakwire buba;ע [Ayin]Oko nduli akendisyalangira esyonzighu siwe sikakindwa.
פ [Pe]
9 Abirihitya kutsibu;* abiriha abera.
צ [Tsade]
Eritunganene liwe rikendisyabyaho kera na kera.
ק [Qoph]
Amaka* wiwe akendisyakanyirira omo lukengerwa.
ר [Resh]
10 Omubi akendisyalangira neryo iniahitana.
ש [Shin]
Akendisyakeregheta ameno n’erighenda akabulirana.
ת [Taw]
Eriyitsutsa ly’ababi rikendisyahera.
Amaelezo awehikwa
^ Kutse “Aleluyah.” Yah ni kikuhi ky’erina Yehova.
^ Kutse “olulengo.”
^ Kutse “ni w’olukogho.”
^ Kutse “omo lukogho.”
^ Kutse “butsira buhemu.”
^ Kinywa kwa kinywa, “erihembe.”