Esyonyimbo 116:1-19
116 Nyanzire YehovaKusangwa akowa* omulenge waghe, akowa ekiriro kyaghe.
2 Kusangwa akanitegha okutu* kwiwe,Neryo ngendisyamulakira omw’ibyaho lyaghe* ryosi.
3 Ebikoba by’oluholo mubyanitimbako;Eyisinda muyanimakirira.*
Obuhanya n’obulighe mubyanibundamirya.
4 Nikwa munalakira erina lya Yehova niti:
“Yehova, unilamaye!”*
5 Yehova ni mukwi w’obulighe* kandi atunganene;OMungu wetu ni w’obughanyiri.
6 Yehova akateghaya abatasiki.
Munahwamo akaghala, naye mwanilamya.
7 Enafsi* yaghe itasyaluhuka,Kusangwa Yehova abirinikolera ebibuya.
8 Wabirinilamya* oko luholo,Wabirisangula emisonia yaghe, n’erileka ebisando byaghe ibitatwikala.
9 Ngendilendera embere sya Yehova omo kihugho ky’abaliho.
10 Nabya n’obwikirirya, kyaleka inabugha;Munaghalwa kutsibu.
11 Nikwa ingye, munahandabuka n’eribugha niti:
“Obuli mundu ni mubehi.”
12 Ngendiha Yehova yokiBusana n’ebibuya byosi ebyo abirinikolera?
13 Ngendimya ekikombe ky’omulamo,*Ngendilakira erina lya Yehova.
14 Ngendiliha Yehova ebyo nabirilaghaEmbere sy’abandu biwe bosi.
15 Oluholo lw’abataleghula ba YehovaNi mwatsi owakamuletera obulighe bunene* omo mutima.
16 Yehova, ngakulemba-lemba,Kusangwa indi mughombe waghu.
Indi mughombe waghu, omughala w’omughombe waghu w’obukali.
Wabirinibohola oko binibohire.
17 Ngendikuherera amahere w’ewasingya;Ngendilakira erina lya Yehova.
18 Ngendiliha Yehova ebyo nabirilaghaEmbere sy’abandu biwe bosi,
19 Omo bibugha by’enyumba ya Yehova,Omo kati-kati kaghu, iwe Yerusalema.
Mupipe Yah!*
Amaelezo awehikwa
^ Kutse alinga, “nyanzire kundi Yahova akowa.”
^ Kutse “akunama erihulikirira.”
^ Kinywa kwa kinywa, “omo biro byaghe.”
^ Kinywa kwa kinywa, “obuhanya bw’Esheoli mubwanibana.”
^ Kutse “ulamaye enafsi yaghe.”
^ Kutse “ni w’olukogho.”
^ Ulebaye Amaana w’ebinywa.
^ Kutse “wabirilamya enafsi yaghe.”
^ Kutse “omulamo munene.”
^ Kinywa kwa kinywa, “ni lw’obughuli.”
^ Kutse “Aleluyah.” Yah ni kikuhi ky’erina Yehova.
