Esyonyimbo 119:1-176
-
Erisima ekinywa ky’oMungu eky’obughuli
-
‘Abalwana bangakolaki enzira yabo ibye iyinerire?’ (9)
-
“Nyanzire ebibukyo byaghu byo kutsibu” (24)
-
“Nyanzire emighambo yaghu yo kutsibu!” (97)
-
“Amenge kwilaba abakangirirya baghe bosi” (99)
-
“Ekinywa kyaghu ni tala busana n’ekisando kyaghe” (105)
-
‘Enzumwa y’ekinywa kyaghu ni kwenene’ (160)
-
Obuholo oko banzire emighambo y’oMungu (165)
-
א [Aleph]
119 Abateko lubanza* omo mighendere yabo batsemire,Abakakwama emighambo ya Yehova.
2 Abakakwama ebibukyo biwe batsemire,Abakamusonda-sonda n’omutima wabo wosi.
3 Sibalikola ekitatunganene;Bakalendera omo syonzira siwe.
4 Wabiribugha utiErilayira lyaghu lisikibawe ndeke-ndeke.
5 Nga ninalyatasighala ininasikire*Neryo inatoka erikwama ebighenderwako byaghu!
6 Neryo aho isinendihemulwaOmughulu ngayiteghererya ebyalayiro byaghu byosi.
7 Ngendikupipa n’omutima owalungukereOmughulu ngigha eritswera lyaghu eritunganene.
8 Ngendikwama ebighenderwako byaghu.
Isiwanighana n’ahake olosi.
ב [Beth]
9 Omulwana angakolaki enzira yiwe ibye iyinerire?
Litolere inyayiteya n’erikwama ekinywa kyaghu.
10 Ngakusonda-sondaya n’omutima waghe wosi.
Isiwaleka ngakita oko mighambo yaghu.
11 Nabiribika ndeke-ndeke ekinywa kyaghu omo mutima waghe ng’ebindu by’obughuli.
Ngasyakukolera erilolo.
12 Yehova, upipawe;Unikangiriraye ebighenderwako byaghu.
13 Omo minywa yagheNgatulaghanaya emyatsi yosi eyo wabirilayira.*
14 Ngatsemera ebibukyo byaghuKulenga ebindi bindu byosi by’obughuli.
15 Ngendighanirya* kutsibu okw’ilayira lyaghuN’erileka ameso waghe asighale omo syonzira syaghu.
16 Nyanzire kutsibu ebihano byaghuSinendisyibirirwa ekinywa kyaghu.
ג [Gimel]
17 Ubye mubuya oko mughombe waghu,Nitoke eribyaho n’erikwama ekinywa kyaghu.
18 Ulibule ameso waghe nitoke erilangira ndekeEmyatsi mibuya y’omo mighambo yaghu.
19 Niri mubunga buyira omo kihugho.
Isiwanibisa emighambo yaghu.
20 Mughulu wosi omutima waghe* akabebereraBusana n’eriyitsutsa eritswera lyaghu.*
21 Ukahayira abakayilabiriraya,Abatakirwe abakakita oko byalayiro byaghu.
22 Unihighuleko* akasekereryo n’akaghonero,Kusangwa nabirikwama ebibukyo byaghu.
23 Nibya n’omughulu abanya-mwami bakikala haghuma bakanikaniako,Omughombe waghu akaghaniraya* kutsibu oko bighenderwako byaghu.
24 Nyanzire ebibukyo byaghu byo kutsibu;Byo bikanihana.
ד [Daleth]
25 Ninayilambikire* omo lututu.
Uniteghaye nibye inineho erikwamana n’ekinywa kyaghu.
26 Munakubwira esyonzira syaghe, naghu muwanisubirya;Unikangiriraye ebighenderwako byaghu.
27 Niwatikaye eriminya erilayira lyaghu nga rikasonda eribugha ritiki,*Nitoke erighanirya* kutsibu oko mibiiri yaghu eyikaswekaya.
28 Nabiribula otughotseri* busana n’obulighe.
Unihiremo akaghala erikwamana n’ekinywa kyaghu.
29 Unihighuleko enzira y’obutebya,Kandi unikanganaye olukogho omo mighambo yaghu.
30 Nabirisombola enzira y’obutaleghula.
Ngalangira ngoko eritswera lyaghu ritolere.
31 Ngamakirira ebibukyo byaghu.
Yehova isiwaleka ngabunika mutima.*
32 Ngendikwama n’engumbu nene* enzira y’emighambo yaghuKusangwa ukakokoterayayo omwanya omo mutima waghe.*
ה [He]
33 Yehova, nikangiriraye enzira y’ebighenderwako byaghu,Naghe ngendikwamayo erihika oko nduli.
34 Umbe obuyiteghererya,Nitoke erikwama emighambo yaghuN’erikwamayo n’omutima waghe wosi.
35 Unisondole* omo nzira y’emighambo yaghu;Kusangwa ngatsemerayo.
36 Uloleraye omutima waghe oko bibukyo byaghu,Butsira oko ndundi y’eriyitsomana ingye musa.
37 Ubindukaye ameso waghe syasamalire ekindu ekitawite mughaso;Uteghaye engebe yaghe omo nzira yaghu.
38 Uberereraye endaghane* eyo walagha omughombe waghu,Utoke eryubahwa.*
39 Ulusayeho akahemulo ako ngubaha,Kusangwa eritswera lyaghu ni ribuya.
40 Langira ngoko ngayitsutsa kutsibu erilayira lyaghu.
Uteghaye engebe yaghe omo ritunganene lyaghu.
ו [Waw]
41 Yehova, leka niyilangirire olwanzo lwaghu oluteleghula,Omulamo waghu erikwamana n’endaghane yaghu;
42 Neryo ngendisyasubirya oyukanitsuma,Kusangwa niyiketere ekinywa kyaghu.
43 Ekinywa ky’ekwenene isiwalusayakyo olosi omo buno bwaghe,Kusangwa niyiketere* eritswera lyaghu.
44 Ngendisyakwama emighambo yaghu mughulu wosi,Kera na kera.
45 Kandi ngendisyalendera omo mwanya owalimo obuholo,*Kusangwa ngasonda-sonda erilayira lyaghu.
46 Ngendisyakania oko bibukyo byaghu embere sy’abami,Kandi sinendisyahemuka.
47 Nyanzire kutsibu ebyalayiro byaghu,Inga, nyanzirebyo.
48 Ngendisumba ebyala eriloleryabyo oko mighambo yaghu, eyo nyanzire,Kandi ngendighanirya* kutsibu oko bighenderwako byaghu.
ז [Zayin]
49 Wibuke ekinywa* ekyo wabiribwira omughombe waghu,Ekyo ukamberamo amaha.*
50 Eri rye rikirania lyaghe omo mughulu w’amalighe waghe,Kusangwa ekinywa kyaghu kyabirileka inabya inineho.
51 Abakayilabiriraya bakanisekereraya kutsibu,Aliwe sindikita oko mighambo yaghu.
52 Yehova, ngibuka eritswera lyaghu lya kera,Nalyo rikanikiranaya.
53 Nabirihitana kutsibu busana n’ababi,Abakasighanaya emighambo yaghu.
54 Ehosi-hosi eyo nikere*Ebighenderwako byaghu ni syonyimbo okw’ingye.
55 Yehova, omo kiro ngibuka erina lyaghu,Nitoke erikwama emighambo yaghu.
56 Nabiribeghera erikola nityaKusangwa ngasikaya erilayira lyaghu.
ח [Heth]
57 Yehova ni righabo lyaghe;Nabirilagha erikwama ebinywa byaghu.
58 Ngakulemba-lemba* n’omutima waghe wosi,Unikanganaye olukogho erikwamana n’endaghane* yaghu.
59 Nabiritsopolya esyonzira syaghe,Nitoke erisubya ebisando byaghe oko bibukyo byaghu.
60 Nganguha, sinditseleghawaEriteya ebyalayiro byaghu.
61 Ebikoba by’ababi binitimbireko,Aliwe sindibirirawa emighambo yaghu.
62 Ngabuka omo kati k’ekiro erikuha ewasingyaBusana n’eritswera lyaghu eritunganene.
63 Niri mwira w’abosi abakakubahaN’abakakwama erilayira lyaghu.
64 Yehova, olwanzo lwaghu oluteleghula loswire omo kihugho;Unikangiriraye ebighenderwako byaghu.
ט [Teth]
65 Yehova wabirikolera omughombe waghu yo ndeke,Erikwamana n’ekinywa kyaghu.
66 Unikangiriraye obuyiteghererya n’eriminya,Kusangwa nabiriyiketera ebyalayiro byaghu.
67 Embere nighalawe, inibeghere erikita* oko nzira,Nikwa lino ngakwama ekinywa kyaghu.
68 Uli mubuya n’emibiiri yaghu yowene.
Unikangiriraye ebighenderwako byaghu.
69 Abakayilabiriraya bakanihakako amabehi,Aliwe ingye ngakwama erilayira lyaghu n’omutima waghe wosi.
70 Emitima yabo yabiribya kihiri-hiri,*Aliwe ingye nyanzire emighambo yaghu yo kutsibu.
71 Ni kibuya eribya imunabya omo bulighe,Kusangwa munigha ebighenderwako byaghu.
72 Omughambo ogho wabiritulaghania, okw’ingye uweneNibya kwilaba amaelfu w’ebihande by’ehoro n’eby’efeza.*
י [Yod]
73 Ebyala byaghu mubyanibumba n’erinihangyika.
Umbe obuyiteghererya,Nitoke erigha ebyalayiro byaghu.
74 Abakakubaha bakanilangira ibatsema,Kusangwa ekinywa kyaghu kyo ngahirako amaha.*
75 Yehova, ninasi ngoko eritswera lyaghu ritunganeneKandi ngoko muwanyaghalya omo butaleghula bwaghu.
76 Kisi olwanzo lwaghu oluteleghula lunikiranaye,Erikwamana n’endaghane* eyo walagha omughombe waghu.
77 Unikwire obulighe nibye inineho,Kusangwa nyanzire emighambo yaghu yo kutsibu.
78 Abakayilabiriraya bahemukeKusangwa bakanyaghalaya isihali n’ekikaleka.*
Aliwe ngendighanirya* kutsibu okw’ilayira lyaghu.
79 Abakakubaha basube eyo niri,Abasi ebibukyo byaghu.
80 Oko mwatsi owalebirye erikwama ebighenderwako byaghu, omutima waghe isyabyako olubanza,Neryo isinahemuka.
כ [Kaph]
81 Ngakandira* omulamo waghu,Kusangwa ekinywa kyaghu ni maha* waghe.
82 Ameso waghe akakandira ekinywa kyaghuIninemubugha niti: “Ukendisyanikirania mughulu wahi?”
83 Kusangwa niri ng’etsupa y’engobi eyabiryumira omo muki,Aliwe sindibirirawa ebighenderwako byaghu.
84 Omughombe waghu litolere inialindirira omo biro bingahi?
Ukendisyatswera abakanyendereraya mughulu wahi?
85 Abakayilabiririraya bakanitakulirira ebyuna,Abakaghana emighambo yaghu.
86 Ebyalayiro byaghu byosi ni by’eriyiketera.
Abandu bakanyendereraya isihali n’ekikaleka; uniwatikaye!
87 Babya ibakisiya ibanibughaho erilua omo kihugho,Aliwe mundasighania erilayira lyaghu.
88 Uteghaye obuyingo bwaghe busana n’olwanzo lwaghu oluteleghula,Nitoke erikenga ebibukyo byaghu ebyo wabiribugha.
ל [Lamed]
89 Yehova, ekinywa kyaghu,Kikendisyabyaho kera na kera omo lubula.
90 Eritendileghula lyaghu ni ly’omo bizazi* byosi.
Wabirihanda ekihugho kyo ndeke, sikyangalua omo mwanya wakyo.
91 Erilabira eritswera lyaghu bineho* erihika na munabwire,Kusangwa ebyosi ni baghombe baghu.
92 Ko natabya nyanzire emighambo yaghu yo kutsibu,Nga nabirihera omo malighe waghe.
93 Sinendisyibirirwa n’ahake erilayira lyaghu,Kusangwa erilabira erilayira eryo, wabiriteya engebe yaghe.
94 Niri waghu, unilamaye,Kusangwa nabirisonda-sonda erilayira lyaghu.
95 Ababi balindirire erinibughaho,Aliwe ngayiteghereraya kutsibu ebibukyo byaghu.
96 Nabirilangira ngoko erihika-hikana lyosi linawite aho ritwirirye,Aliwe ebyalayiro byaghu sibiwite aho bitwirirye.*
מ [Mem]
97 Nyanzire emighambo yaghu yo kutsibu!
Ngaghaniraya* kuyo omo musibo wosi.
98 Ekyalayiro kyaghu kikaniyira mo w’amenge kwilaba esyonzighu syaghe,Kundi kiri omw’ingye erihika kera na kera.
99 Niwite amenge kwilaba abakangirirya baghe bosi,Kundi ngaghaniraya* kutsibu oko bibukyo byaghu.
100 Ngakola n’amenge kwilaba abasyakulu,Kusangwa ngakwama erilayira lyaghu.
101 Ngaghana erikwama enzira yosi-yosi eyituwene,Nitoke erisikya ekinywa kyaghu.
102 Sindibinduka n’erighana erikwama eritswera lyaghu,Kusangwa wabirinikangirirya.
103 Ebinywa byagu bisihire kutsibu oko kyasasa kyaghe,Bisihire kutsibu omo buno bwaghe kwilaba n’obuki!
104 Erilayira lyaghu rikaleka inakola n’amenge.
Kyo kikaleka inapona obuli nzira y’amabehi.
נ [Nun]
105 Ekinywa kyaghu ni tala busana n’ekisando kyaghe,N’ekyakakala busana n’enzira yaghe.
106 Nabirilahirya, ngendiberererya erilahirya eryo,Ngoko ngendikenga eritswera lyaghu eritunganene.
107 Nabiryaghalwa kutsibu.
Yehova, uteghaye engebe yaghe erikwamana n’ekinywa kyaghu.
108 Kisi, Yehova, utsemere olusunzo lwaghe lw’erikupipa,*Kandi unikangiriraye eritswera lyaghu.
109 Engebe yaghe iri omo bwiko* mughulu wosi,Aliwe sinitibirirwa omughambo waghu.
110 Ababi babirinitegha ekitegho,Nikwa sinitakita okw’ilayira lyaghu.
111 Ebibukyo byaghu ngalangirabyo mo buteke* bwaghe kera na kera,Kusangwa ni butseme bw’omutima waghe.
112 Nabiriyisogha* omo mutima erikwama ebighenderwako byaghuEmighulu yosi, erihika oko nduli.
113 Ngapona abandu abatetsomana ndeke emyatsi ,*Nikwa nyanzire emighambo yaghu.
114 Uli bubisamo bwaghe kandi ngabo yaghe,Kusangwa ekinywa kyaghu ni maha* waghe.
115 Inywe bandu babi, mubye hali okw’ingye,Nitoke erikenga ebihano by’oMungu waghe.
116 Uniwatikaye ngoko walagha,*Nitoke eribya inineho;Isiwaleka amaha waghe akabindukamo eribunika mutima.*
117 Uniwatikaye nilamibawe;Neryo mughulu wosi ingendihwererya obulengekania oko bighenderwako byaghu.
118 Ukaghana abosi abakasighanaya ebighenderwako byaghu,Kusangwa ni babehi n’ab’amatebo.
119 Ukaghusa ababi bosi b’ekihugho nga ni mutsafu* buyira owatawite mughaso.
Kikaleka inanza ebibukyo byaghu.
120 Obuba bwaghu bukaleka omubiri* waghe iniatitimana;Ngubaha eritswera lyaghu.
ע [Ayin]
121 Nabirikola ekyuwene n’ekitunganene.
Isiwanisigha omo byala by’abakaninubaya!
122 Ukole ekyosi-kyosi omughombe waghu abye iniane omo mibere eyuwene;Abakayilabiriraya isibaninubaya.
123 Ameso waghe abiriluha* ngalindirira omulamo waghuNa busana n’erilindirira endaghane* yaghu eyitunganene.
124 Ukanganaye omughombe waghu y’olwanzo lwaghu oluteleghula,Kandi unikangiriraye ebighenderwako byaghu.
125 Indi mughombe waghu; umbe obowika,Nitoke eriminya ebibukyo byaghu.
126 Endambi ya Yehova y’eriyira eky’erikola yabirihika,Kusangwa babiriketa emighambo yaghu.
127 Kyo kikaleka inanza ebyalayiro byaghu kwilaba ehoroNibya kwilaba n’ehoro eyerire.*
128 Okw’ekyo, ngalangira obuli kihano* ekikalua okw’iwe mo kyuwene,Niponire obuli nzira y’amabehi.
פ [Pe]
129 Ebibukyo byaghu byuwene kutsibu.
Kikaleka inakengabyo.*
130 Erikumbula ly’ebinywa byaghu rikaleta ekyakakala,Ibyaha abatasiki b’amenge.
131 Ngatanda obuno bwaghe n’eriikya* omuka,Kusangwa ngakandira ebyalayiro byaghu.
132 Unikebere n’erinikangania olukogho,Ngoko wabirihamula busana n’abanzire erina lyaghu.
133 Usondole ndeke-ndeke* ebika byaghe erilabira ekinywa kyaghu;Ekindu kyosi-kyosi kibi isikyanitabalako.
134 Unilamaye* oko banubya,Ngendikenga erilayira lyaghu.
135 Ukanganaye omughombe waghu y’obusu obukere,*Kandi unikangiriraye ebighenderwako byaghu.
136 Emisonia ikasenda omo meso waghe ng’olusiKundi abandu sibalikenga emighambo yaghu.
צ [Tsade]
137 Yehova, utunganene,N’eritswera lyaghu ryuwene.
138 Ebibukyo ebyo ukatuha bitunganeneKandi ni by’eyiketera ndeke-ndeke.
139 Omuhwa waghe akanibugha,Kusangwa abaniponire babiribirirwa ebinywa byaghu.
140 Ekinywa kyaghu ky’erire kutsibu,N’omughombe waghu anzirekyo.
141 Singwite mughaso kandi nighonerwe;Nomo bine, sindinibirirwa erilayira lyaghu.
142 Eritunganene lyaghu, ni ritunganene lya kera na kera,N’emighambo yaghu ni kwenene.
143 Nomo amaligho n’emighulu eyikalire bikanihikiraNgalola embere eryanza ebyalayiro byaghu byo kutsibu.
144 Eritunganana ry’ebibukyo byaghu ni lya kera na kera.
Umbe obuyiteghererya, nitoke eribya inineho.
ק [Qoph]
145 Ngakulakira n’omutima waghe wosi. Yehova unisubiraye.
Ngendikwama ebighenderwako byaghu.
146 Ngakulakira; unilamaye!
Ngendikwama ebibukyo byaghu.
147 Nabiribuka omo kiro-kiro* embere bukye, busana n’erilaka ngasaba obuwatikyaKusangwa ebinywa byaghu ni maha* waghe.
148 Ngalibula ameso omo kati k’ekiroNighaniraye* oko kinywa kyaghu.
149 Yehova uhulikirire omulenge waghe busana n’olwanzo lwaghu oluteleghula.
Uteghaye engebe yaghe erikwamana n’eritswera lyaghu eritunganene.
150 Abakakola emyatsi eyikit’isoni* babiriseghera hakuhi,Bali hali oko mighambo yaghu.
151 Yehova, uli hakuhi,N’ebyalayiro byaghu byosi ni kwenene.
152 Kera kera munigha oko bilebirye ebibukyo byaghu,Ngoko muwahira by’oho eribyaho kera na kera.
ר [Resh]
153 Ulangire amaghali waghe kandi unilamaye,Kusangwa sinditibirirwa emighambo yaghu.
154 Unilwireko* kandi unilamaye;Uteghaye engebe yaghe erikwamana n’omulaghe* waghu.
155 Ababi sibangalamibwa* n’ahake,Kusangwa sibetasonda-sonda ebighenderwako byaghu.
156 Yehova, obughanyiri bwaghu ni bunene.
Uteghaye engebe yaghe erikwamana n’eritswera lyaghu eritunganene.
157 Abakanyendereraya n’abaniponire ni bangyi;Aliwe sinetakita oko bibukyo byaghu.
158 Ngakwa nye omughulu ngalangira abatebya,Kusangwa sibalisikaya ekinywa kyaghu.
159 Langira ngoko nyanzire erilayira lyaghu lyo kutsibu!
Yehova uteghaye engebe yaghe busana n’olwanzo lwaghu oluteleghula.
160 Enzumwa* y’ekinywa kyaghu ni kwenene,N’erisoha* lyaghu lyosi eritunganene ni lya kera na kera.
ש [Sin] kutse [Shin]
161 Abanya-mwami bakanyendererya isihali ekikaleka,Nikwa omutima waghe akubaha ebinywa byaghu.
162 Ngatsemera ekinywa kyaghuNg’omundu oyukabana ebindu bingyi ebiryanyeghawa.
163 Niponire amabehi—ngakwagho nye—
Nyanzire emighambo yaghu.
164 Ngakupipa ngendo 7 omo musiboBusana n’eritswera lyaghu eritunganene.
165 Abanzire emighambo yaghu bawite obuholo bunene;Sihali ekyangabatwikalya.*
166 Yehova, nilindirire emibiiri yaghu y’erilamya,Kandi ngakwama ebyalayiro byaghu.
167 Ngasikaya* ebibukyo byaghu,Kandi nyanzirebyo kundu.
168 Ngakenga erilayira lyaghu n’ebibukyo byaghu,Kusangwa unasi ebyosi ebyo ngakola.
ת [Taw]
169 Yehova, ekiriro kyaghe kikuhikeko.
Erikwamana n’ekinywa kyaghu, uniwatikaye eribya n’obuyiteghererya.
170 Erisaba lyaghe ry’olukogho lihike embere syaghu.
Unilamaye, ngoko wanabirilagha.*
171 Eminywa yaghe yosuleko eripipa,Kusangwa ukanikangiriraya ebighenderwako byaghu.
172 Olulimi lwaghe lwimbe emyatsi y’ekinywa kyaghu,Kusangwa ebyalayiro byaghu byosi bitunganene.
173 Ebyala byaghu bibye ibinayiteghekire eriniwatikya,Kusangwa nabirisombola erikwama erilayira lyaghu.
174 Yehova ngakandira omulamo waghu,Kandi nyanzire emighambo yaghu yo kutsibu.
175 Ueghaye engebe yaghe* nitoke erikupipa;Eritswera lyaghu libye buwatikya bwaghe.
176 Nabirighanga-ghanga ng’embuli eyitere.* Usonda-sondaye omughombe waghu,Kusangwa sinditibirirwa* ebyalayiro byaghu.
Amaelezo awehikwa
^ Kutse “Abakayighendaya omw’iluyirirana.”
^ Kinywa kwa kinywa, “Ngambe esyonzira syaghe sinalyatayirawa mo esisikire ndeke.”
^ Kutse “eritswera lyaghu lyosi.”
^ Kutse “Ngendigha.”
^ Kutse “enafsi yaghe ikabeberera.”
^ Kutse “eritswera lyaghu.”
^ Kinywa kwa kinywa, “Ukumbaghaliraye hali okw’ingye.”
^ Kutse “akigha.”
^ Kutse “enafsi yaghe inayilambikire.”
^ Kutse “erigha.”
^ Kinywa kwa kinywa, “enzira.”
^ Kutse “enafsi yaghe yabirikubato.”
^ Kutse “isiwaleka ngahemuka.”
^ Kinywa kwa kinywa, “ngenditibita.”
^ Kutse alinga, “ukaleka omutima waghe iniasika.”
^ Kutse “unilenderaye.”
^ Kutse “ekinywa.”
^ Kutse alinga, “ebyalaghawa abakakubaha.”
^ Kutse “ngalindirira.”
^ Kutse “omwanya owalimo ebyumba.”
^ Kutse “ngendigha.”
^ Kutse “endaghane.”
^ Kutse “amahano.”
^ Kutse “omo nyumba eyo nikeremo mo mubunga.”
^ Kutse “ngolobaya obusu bwaghu (ngasondekanaya obusu bwaghu obukere.)”
^ Kutse “ekinywa.”
^ Kutse “ingakola erilolo omo butaminya.”
^ Kinywa kwa kinywa, “siyirisyowaki.”
^ Ni kindu ky’obughuli ekikalua omo kitaka.
^ Kutse “ngalindirira ekinywa kyaghu.”
^ Kutse “ekinywa.”
^ Kutse alinga, “omo mabehi.”
^ Kutse “ngendigha.”
^ Kutse “enafsi yaghe ikayitsutsa.”
^ Kutse “ngalindirira ekinywa kyaghu.
^ Kutse “esyondengo.”
^ Ni bugha ambu, ebyosi ebyo abirihangyika.
^ Kinywa kwa kinywa, “bighalihire kutsibu; biyisanzire kutsibu.”
^ Kutse “ngighayo.”
^ Kutsi “ngigha.”
^ Kinywa kwa kinywa, “olusunzo lw’ekinywa kyaghe.”
^ Kutse “enafsi yage iri omo byala byaghe mughulu wosi.”
^ Kutse “omwandu waghe.”
^ Kinywa kwa kinywa, “nabirilolerya omutima waghe.”
^ Kutse “abandu ab’emitima eyighabene; ab’emitima ibiri.”
^ Kutse “ngalinda ekinywa kyaghu.”
^ Kutse “isiwaleka amaha waghe akahemulwa.”
^ Kutse “erikwamana n’ekinywa kyaghu.”
^ Ekinywa kye Kiebrania ekikolesibwe hano mo mutsafu kikamaanisaya omutsafu owakalusibawa oko feza kutse oko horo bikatukurwa.
^ Omunyoku.
^ Kutse “ameso waghe abirilembera.”
^ Kutse “ekinywa.”
^ Kutse “eyitukwire.”
^ Kutse “erilayira.”
^ Kutse “enafsi yaghe iyakengabyo.”
^ Kinywa kwa kinywa, “erihumayira.”
^ Kutse “usikaye ebika byaghe.”
^ Kinywa kwa kinywa, “unitongolaye.”
^ Kutse “usekere.”
^ Kutse “emitsange.”
^ Kutse “ngalinda ebinywa byaghu.”
^ Kutse “nyighe.”
^ Kutse “y’obutswatswa.”
^ Kutse “ekinywa.”
^ Kutse “Wimanire olubanza lwaghe.”
^ Kutse “ababi bali hali oko mulamo.”
^ Kutse “ekinywa kyaghu kyosi.”
^ Kutse “erisoha.”
^ Kutse “busana nabo sihali eky’eritwikalako.”
^ Kutse “Enafsi yaghe ikasikaya.”
^ Kutse “erikwamana n’ekinywa kyaghu.”
^ Kutse “Uleke enafsi yaghe.”
^ Kutse “eyiherire.”
^ Kutse “sinitagharamira.”
