Esyonyimbo 12:1-8
-
Yehova akahangana erikola omwatsi mulebe
-
Ekiywa ky’oMungu kyerire (6)
-
Oko musondoli, lulegherwe oko Seminiti.* Omuziki wa Daudi.
12 Yehova unilamaye, kusangwa sihakiri omutaleghula;Abandu b’eriyiketera babiribulirana erilua omo kati-kati k’abandu.
2 Bakabwirana amabehi;Eminywa yabo ikabugha eby’ekisehya* n’eribugha amatebo* omo mitima yabo.
3 Yehova akendisyatwa eminywa yosi eyikabugha ekisehyaN’olulimi olukayihalamba,
4 Abakabugha bati: “Tukandisyasingana omo syondimi syetu.
Tukendisyakolesya eminywa yetu ngoko twanzire;Nindi yukenditutabalako kwehi?”
5 “Kusangwa abakaghalawa bakanubibawa,Busana n’erisimba ry’abera,Ngendihangana n’eribawatikya,” Yehova atya.
“Ngendisyalamyabo oko bakapokayabo.”*
6 Ebinywa bya Yehova by’erire;Biri ng’efeza* eyabiry’eribwa omo luhitsa, eyabiry’eribwa ngendo 7.
7 Yehova ukendisyalemberabo,Ukendisyateya obuli mughuma wa kubo erilua oko kizazi* kino erihika kera na kera.
8 Ababi bakayighenderaya omo bwirandaKusangwa abaghala b’abandu bakatsotsaya obutakenga.
Amaelezo awehikwa
^ Ulebaye Amaana w’ebinywa.
^ Kinywa kwa kinywa, “bakabugha omo minywa yabo eyitendere.”
^ Kinywa kwa kinywa, “omutima n’omutima.”
^ Kutse “abakasolayabo.”
^ Ni kindu ky’obughuli ekikalua omo kitaka.
^ Kutse “olulengo.”