Esyonyimbo 132:1-18
Olwimbo lw’Erihetuka.
132 Yehova, wibuke DaudiN’eryaghalwa liwe ryosi;
2 Ngoko alapira Yehova,Ngoko alahiraya oko w’Amaka wa Yakobo ati:
3 “Sinendingira omo hema yaghe, eka waghe.
Sinendighotsera oko ngyingo yaghe, engotsero yaghe;
4 Sinendilighira ameso waghe eriyato,Kutse ebikoheryo byaghe eriyitsingirako
5 Nitenabanira Yehova yo mwanya,Obwikalo obuwene* busana n’Ow’amaka wa Yakobo.”
6 Lebaya! Mutwowa engulu yaryo* e Efrata;Mutwabanaryo omo malima w’emisitu.
7 Twingire omo bwikalo* bwiwe;Tuname embere w’ekitumbi kiwe ky’erihirako ebisando.
8 Yehova, uhangane, wase omo mwanya waghu w’eriluhukiramo,Iwe n’Erisanduku ly’amaka waghu.
9 Abahereri baghu bambale eritunganene,N’abataleghula baghu bute obwogho bw’obutseme.
10 Busana n’omughombe waghu Daudi,Sughane* oyuhirirweko maghuta waghu.
11 Yehova abirilapira Daudi;Oko kwenene syendisyayisubako:
“Ngendisyikalya omughuma w’oko bana baghu,*Oko kitumbi kyaghu ky’obwami.
12 Baghala baghu bamasyakwama endaghane yagheN’amahano* agho ngakangirirayabo,Abana babo b’obulume naboIbakendisyikala oko kitumbi kyaghu ky’obwami kera na kera.”
13 Kusangwa Yehova abirisombola e Sioni;Anzire eriyirayo mo bwikalo bwiwe:
14 “Aho h’ah’eriluhukira haghe kera na kera;Aho ho ngendiikala, kusangwa ko nanzire nitya.
15 Ngendisyatsumulayo ndeke omo byosi ebyo ilaghireko;Abera bayo ngendisyabughutya akalyo.*
16 Abahereri bayo ngendisyambalyabo omulamo,N’abataleghula bayo bakendisyuta obwogho bw’obutseme.
17 Eyo, ngendisyakanya amaka* wa Daudi.
Nabiriteghekanirya oyuhirirweko maghuta waghe y’etala.
18 Esyonzighu siwe ngendisyambalyasyo esisoni,Nikwa embita* eyiri oko mutwe wiwe ikendisyakangabasania.*
Amaelezo awehikwa
^ Kutse “etabernakulo y’olukengerwa.”
^ Alinga erisanduku.
^ Kutse “etabernakulo yiwe y’olukengerwa.”
^ Kinywa kwa kinywa, “sighulusaye obusu oko.”
^ Kinywa kwa kinywa, “omughuma w’oko lubuto lw’enda yaghu.”
^ Kutse “ebibukyo.”
^ Kutse “omukati.”
^ Kinywa kwa kinywa, “erihembe.”
^ Kutse “akakira.”
^ Kutse “ikendisyaghasa.”
