Esyonyimbo 135:1-21
135 Mupipe Yah!*
Mupipe erina lya Yehova;Inywe baghombe ba Yehova, mumupipe,
2 Inywe mwimene omo nyumba ya Yehova,Omo bibugha by’enyumba y’oMungu wetu.
3 Mupipe Yah, kusangwa Yehova ni mubuya.
Mwimbire* erina liwe ly’esyonyimbo sy’eripipa,Kusangwa lyowene.
4 Kusangwa Yah abiriyisombolera Yakobo,Israeli eribya kindu kiwe ky’embaghane.*
5 Kusangwa ninasi ndeke ngoko Yehova ni mukulu;Omukama wetu ni mukulu kwilaba eyindi miungu yosi.
6 Yehova akakola ekyosi-kyosi ekyo anzire erikolaOmo lubula n’oko kihugho, omo syongetse n’omo mitobero yosi.
7 Akirukaya ebitu* erilua oko nduli sy’ekihugho;Akayira* akarabyo* busana n’embula;Akaleta erihunga erilua omo madepo* wiwe.
8 Mwita akambere ke Misri,Omundu n’enyama.
9 Iwe Misri, mwakutumako ebitiko-tiko n’ebiminyikalo,Oko Farao n’abaghombe biwe bosi.
10 Mwatoghotya ebihanda bingyiN’eriita abami b’amaka
11 —Sihoni omwami w’Abaamori,Ogu omwami we Bashani,N’amami wosi we Kanana.
12 Mwaghaba ekihugho kyabo mo mwandu,Mwahakyo abandu biwe Abaisraeli mo mwandu.
13 Yehova, erina lyaghu rikabyaho kera na kera,Yehova, erikumayira* lyaghu rikabyaho omo bizazi* byosi.
14 Kusangwa Yehova akendisyalwira* oko bandu biwe.
N’erikwira abandu biwe b’obulighe.*
15 Esyosanamu sy’ebihanda ni sy’efeza* n’esy’ehoro,Omubiiri w’ebyala by’abandu.
16 Siwite amuno, aliwe sisyangabugha;Siwite ameso, aliwe sisyangalangira;
17 Siwite amatwi, aliwe sisyangowa.
Omo muno wasyo simuli muka.
18 Abandu abakakokotayasyo bakendisyabya ngasyo,Kutya n’abosi abakayiketerasyo.
19 Iwe nyumba ya Israeli, mupipe Yehova.
Iwe nyumba ya Haruni, mupipe Yehova.
20 Iwe nyumba ya Lawi, mupipe Yehova.
Inywe mukubaha Yehova, mupipe Yehova.
21 Yehova apipawe erilua e Sioni,Oyo wikere e Yerusalema.
Mupipe Yah!
Amaelezo awehikwa
^ Kutse “Aleluyah.” “Yah” ni kikuhi ky’erina Yehova.
^ Kutse “mutunge akasimo.”
^ Kutse “eribya kindu kiwe ky’obughuli.”
^ Kutse “ekyuka.”
^ Kutse “akakingula emilango busana na.”
^ Kutse “obupalyo.”
^ Kutse “ebighona.”
^ Kutse “erina.” Kinywa kwa kinywa, “eryibukwa.”
^ Kutse “esyondengo.”
^ Kutse “akendisyakwamirira omwatsi wa.”
^ Kutse “akendisyayikubya bw’omo busana na.”
^ Ni kindu ky’obughuli ekikalua omo kitaka.
