Esyonyimbo 136:1-26
136 Muhe Yehova y’ewasingya, kusangwa ni mubuya;Olwanzo lwiwe oluteleghula ni lwa kera na kera.
2 Muhe oMungu w’emiungu y’ewasingya,Kusangwa olwanzo lwiwe oluteleghula ni lwa kera na kera.
3 Muhe Omukama w’abakama y’ewasingya,Kusangwa olwanzo lwiwe oluteleghula ni lwa kera na kera.
4 Iye musa, yukakola emyatsi y’eriswekera kutsibu,Kusangwa olwanzo lwiwe oluteleghula ni lwa kera na kera.
5 Mwakokotya olubula omo bufundi obukalire,*Kusangwa olwanzo lwiwe oluteleghula ni lwa kera na kera.
6 Mwasanza ekihugho ky’oko maghetse manene,Kusangwa olwanzo lwiwe oluteleghula ni lwa kera na kera.
7 Mwakokotya ebikoleryo binene-binene,Kusangwa olwanzo lwiwe oluteleghula ni lwa kera na kera.
8 Eryuba eritabala oko musibo,Kusangwa olwanzo lwiwe oluteleghula ni lwa kera na kera.
9 Omughenda n’esyongununu eritabala oko kiro,Kusangwa olwanzo lwiwe oluteleghula ni lwa kera na kera.
10 Mwita akambere ke Misri,Kusangwa olwanzo lwiwe oluteleghula ni lwa kera na kera.
11 Mwalusya Israeli omo kati-kati kabo,Kusangwa olwanzo lwiwe oluteleghula ni lwa kera na kera.
12 Omo byala by’amaka n’okuboko kw’obutoki,*Kusangwa olwanzo lwiwe oluteleghula ni lwa kera na kera.
13 Mwaghaba Engetse y’Engula yo kabiri,*Kusangwa olwanzo lwiwe oluteleghula ni lwa kera na kera.
14 Mwalabya Abaisraeli omo kati-kati kayo,Kusangwa olwanzo lwiwe oluteleghula ni lwa kera na kera.
15 Mwakungutira Farao n’abasuda biwe omo Ngetse y’Engula,Kusangwa olwanzo lwiwe oluteleghula ni lwa kera na kera.
16 Mwasondola abandu biwe omo mbwarara,Kusangwa olwanzo lwiwe oluteleghula ni lwa kera na kera.
17 Mwita abami abakumayire,Kusangwa olwanzo lwiwe oluteleghula ni lwa kera na kera.
18 Mwita abami b’amaka,Kusangwa olwanzo lwiwe oluteleghula ni lwa kera na kera.
19 Sihoni omwami w’Abaamori,Kusangwa olwanzo lwiwe oluteleghula ni lwa kera na kera.
20 Na Ogu omwami we Bashani,Kusangwa olwanzo lwiwe oluteleghula ni lwa kera na kera.
21 Mwaghaba ekihugho kyabo mo mwandu,Kusangwa olwanzo lwiwe oluteleghula ni lwa kera na kera.
22 Mwahakyo Israeli omughombe wiwe mo mwandu,Kusangwa olwanzo lwiwe oluteleghula ni lwa kera na kera.
23 Mwatwibuka omughulu twabya ahabi,Kusangwa olwanzo lwiwe oluteleghula ni lwa kera na kera.
24 Mwabya akatulamya oko syonzighu syetu,Kusangwa olwanzo lwiwe oluteleghula ni lwa kera na kera.
25 Obuli kindu ekiriho,* akahakyo akalyo,Kusangwa olwanzo lwiwe oluteleghula ni lwa kera na kera.
26 Muhe oMungu w’elubula y’ewasingya,Kusangwa olwanzo lwiwe oluteleghula ni lwa kera na kera.
Amaelezo awehikwa
^ Kutse “mwakokotya omo buyiteghererya.”
^ Kinywa kwa kinywa, “okuboko okukakirye.”
^ Kinywa kwa kinywa, “mo bihande.”
^ Kinywa kwa kinywa, “emibiri yosi.”
