Esyonyimbo 14:1-7

  • Erikania oko mukiru

    • “Yehova syaliyo” (1)

    • “Sihali n’oyukakola ekibuya” (3)

Oko musondoli. Olwa Daudi. 14  Omukiru* akayibwira omo mutima wiwe ati: “Yehova syali.” Emibiiri yabo ni mibi, bakakola ebikita nye;Sihali oyukakola ekyuwene.  2  Nikwa Yehova akatungerera abaghala b’abandu inyane elubulaErilebya nga hane oyuwite obuyiteghererya,Nga hane oyukasonda-sonda Yehova.  3  Abosi babirikita oko nzira;Abosi batsandire. Sihali n’oyukakola ekibuya,Sihali n’omughuma.  4  Kwe sihali omukola-nabi n’omughuma oyuwite obuyiteghererya? Bakatomera abandu baghe nga bakalyaho akalyo.* Sibalilakira Yehova.  5  Nikwa bakendisyakwa obuba bunene,Kusangwa Yehova ali haghuma n’ebizazi* by’abatunganene.  6  Inywe bakola-nabi mukasonda erikakirya omwera eriberererya emipango yiwe,Aliwe Yehova ni busayiro bwiwe.  7  Ngasaba niti omulamo wa Israeli asirire e Sioni! Yehova akatasyahindania abandu biwe abanyeghawa,Yakobo atseme, Israeli atsange.

Amaelezo awehikwa

^ Kutse “oyutawite amenge.”
^ Kutse “omukati.”
^ Kutse “esyondengo.”
NEW WORLD TRANSLATION OF THE HOLY SCRIPTURES (2013 REVISION)
Esyonyimbo 14
Kinande
Usomere eBiblia oko Enternete
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt