Esyonyimbo 142:1-7
Maskili.* Olwa Daudi omughulu abya omo mwangalu. Omusabe.
142 Omo mulenge waghe ngalakira Yehova niti aniwatikaye;Omo mulenge waghe ngalemba-lemba Yehova niti anikanganaye olukogho.
2 Nguta embere siwe ebikanihanga-hangaya;Ngakanaya oko buligho bwaghe embere siwe
3 Omughulu ekirimu kyaghe kikalembera* emwisi syaghe.
Neryo ukalangira enzira yaghe.
Omo nzira eyo ngalabamo,Esyonzighu syaghe sikanitegha ekitegho.
4 Ulebaye oko byala byaghe by’amaliUlangire ngoko sihali omundu oyunitsomene.*
Sihali n’aho nangatibita;Sihali omundu oyunitsomene.*
5 Yehova, ngakulakira, uniwatikaye.
Ngabugha niti: “Uli busayiro bwaghe,Ebyosi ebyo niwite* omo kihugho ky’abaliho.”
6 Uteghe okutu okw’ilaka lyaghe ry’erisaba obuwatikya,Kusangwa sinikiwite amaha.
Unilamaye oko bakanyendereraya,Kusangwa bakalire kunilenga.
7 Unilusaye* omo ngomoNitoke eripipa erina lyaghu.
Abatunganene banitimbekoKusangwa ukanikolera omo lukogho.
Amaelezo awehikwa
^ Ulebaye Amaana w’ebinywa.
^ Kutse “kikaluha.”
^ Kinywa kwa kinywa, “oyukaniminyerera.”
^ Kutse “oyutsomene enafsi yaghe.”
^ Kinywa kwa kinywa, “erighabo lyaghe.”
^ Kutse “ulusaye enafsi yaghe.”
