Esyonyimbo 143:1-12
Omuziki wa Daudi.
143 Yehova, wowe omusabe waghe,Uhulikirire erilemba-lemba lyaghe ery’erisaba obuwatikya.
Omo butaleghula bwaghu n’omo ritunganene lyaghu, unisubiraye.
2 Isiwanitswera ingye mughombe waghu,Kusangwa sihali omundu wosi-wosi oyuliho oyo wangabya mutunganene embere syaghu.
3 Kusangwa enzighu yabirinikwamirira;*Yabirinighusa ahisi n’erinilyatira.*
Yabirileka inikala omo mwirimya ng’abahola kera.
4 Ekirimu* kyaghe kyabirilembera;Omutima waghe abirihangya-hangya.
5 Ngibuka ebiro bya kera;Ngaghaniraya oko byosi ebyo ukakola;Ngalengekanaya* kutsibu oko mubiiri w’ebyala byaghu.
6 Ngakusumbira ebyala byaghe;Niri* ng’ekitaka ekyumire, ekikwire enyota yaghu. (Sela)
7 Yehova, unisubiraye luba;Akaghala* kaghe kabirihwa.
Isiwanibisa obusu bwaghu,Bite bitya ingendibya ng’abakandaghalira omo kyuna.*
8 Omo tututu, unyowisaye olwanzo lwaghu oluteleghula,Kusangwa ngayiketera we.
Uniminyisaye enzira eyo nangalenderamo,Kusangwa ngabindukira eyo uli.*
9 Yehova, unilamaye oko syonzighu syaghe.
Ngasondekanaya obuteya bwaghu.
10 Unikangiriraye erikola erisonda lyaghu,Kusangwa uli Mungu waghe.
Ekirimu kyaghu ni kibuya;Kinisondole oko kitaka ekilingirirene.*
11 Yehova, busana n’erina lyaghu, uteghaye engebe yaghe.
Omo ritunganene lyaghu, unilamaye* oko buligho.
12 Omo lwanzo lwaghu oluteleghula, ubugheho* esyonzighu syaghe;Utoghotaye abakanyaghalaya,*Kusangwa niri mughombe waghu.
Amaelezo awehikwa
^ Kutse “yabirikwamirira enafsi yaghe.”
^ Kinywa kwa kinywa, “yabirihinolera obuyingo bwaghe bw’ahisi.”
^ Kutse “akaghala.”
^ Kutse “ngigha.”
^ Kutse “enafsi yaghe iri.”
^ Kinywa kwa kinywa, “ekirimu.”
^ Kutse “eyisinda.”
^ Kutse “kusangwa ngaleta enafsi yaghe eyo uli.”
^ Kutse “oko kitaka ky’eritunganene.”
^ Kutse “ulamaye enafsi yaghe.”
^ Kinywa kwa kinywa, “uhunaye.”
^ Kutse “abakaghalaya enafsi yaghe.”
