Esyonyimbo 145:1-21
Olwimbo lwa Daudi olw’eripipa.
א [Aleph]
145 Ngendikuhalamba, iwe Mungu waghe Omwami,Ngendipipa erina lyaghu kera na kera.
ב [Beth]
2 Ngendikupipa omo musibo wosi;Ngendipipa erina lyaghu kera na kera.
ג [Gimel]
3 Yehova ni mukulu kandi atolere kutsibu eripipwa;Obukulu bwiwe sibwangayiteghereribwa.*
ד [Daleth]
4 Ekizazi* oko kindi kizazi bikendisyapipa emibiiri yaghu;Bikendisyakania oko mibiiri yaghu y’amaka.
ה [He]
5 Bakendisyakania oko lukengerwa olughambire lw’obukulu bwaghuKandi ngendisyaghanirya oko mibiiri yaghu eyikaswekaya.
ו [Waw]
6 Bakendisyakania oko mategheko* waghu awakubahaya,Naghe ngendisyatulaghania obukulu bwaghu.
ז [Zayin]
7 Bakendisyabya bibuka obubuya bwaghu bunene,Ebinywa byabo by’eripipa bikendisyabwagha ng’olusi,Kandi bakendisyuta obwogho bw’obutseme busana n’eritunganene lyaghu.
ח [Heth]
8 Yehova akakwira abandu b’obulighe* kandi ni mughanyiri,Syalihitana luba-luba n’olwanzo lwiwe oluteleghula ni lunene.
ט [Teth]
9 Yehova akakanganaya ebihangyikwa byosi by’obubuya,N’obughanyiri bwiwe bukalangirika omo mibiiri yiwe yosi.
י [Yod]
10 Yehova, emibiiri yaghu yosi ikendikuhalamba,N’abataleghula baghu bakendikupipa.
כ [Kaph]
11 Bakenditulaghania olukengerwa lw’obwami bwaghuN’erikania oko bukulu bwaghu,
ל [Lamed]
12 Eriminyisya abandu emibiiri yaghu y’amakaN’olukengerwa olughambire lw’obwami bwaghu.
מ [Mem]
13 Obwami bwaghu ni bwami bwa kera na keraN’eritabala lyaghu rikabyaho omo bizazi* byosi.
ס [Samekh]
14 Yehova akawatikaya ababiriwaN’erihangania ababirikondomibwa.
ע [Ayin]
15 Ebihangyikwa byosi bikakuhirako ameso n’amaha;Ukahabyo akalyo oko ndambi eyitolere.
פ [Pe]
16 Ukakumbula ebyala byaghuIghughutya obwagha bw’obuli kindu ekiriho.
צ [Tsade]
17 Yehova atunganene omo syonzira siwe syosiKandi ni mutaleghula omo byosi ebyo akakola.
ק [Qoph]
18 Yehova ali hakuhi n’abosi abakamulakira,Abosi abakamulakira omo kwenene.*
ר [Resh]
19 Akaberereraya eriyisunza ly’abosi abakamubaha;Akowa erilaka lyabo, kandi akalamayabo.
ש [Shin]
20 Yehova akateghaya abosi abamwanzire,Aliwe akendisyatoghotya ababi bosi.
ת [Taw]
21 Obuno bwaghe bukenditulaghania eripipa lya Yehova;Obuli kindu ekiriho* kipipe kera na kera erina liwe eribuyirire.
Amaelezo awehikwa
^ Kutse “bulengire amenge wosi.”
^ Kutse “olulengo.”
^ Kutse “amaka.”
^ Kutse “ni w’olukogho.”
^ Kutse “esyondengo.”
^ Kutse “erilua oko mutima.”
^ Kinywa kwa kinywa, “obuli mubiri.”
