Esyonyimbo 146:1-10
146 Mupipe Yah!*
Ingye wosi* nipipe Yehova.
2 Ngendipipa Yehova omo ngebe yaghe yosi.
Ngendimbira* oMungu waghe y’esyonyimbo sy’eripipa omughulu wosi niriho.
3 Isimwahira eriyiketera lyenyu omo banya-mwami*Kutse omo mughala w’omundu oyutewangaleta omulamo.
4 Ekirimu* kiwe kikamuluamo, iniasuba oko kitaka;N’oko kiro ekyo kisa-kisa amalengekania wiwe akabulirana.
5 Oyuli n’obutseme yuwite oMungu wa Yakobo mo muwatikya wiwe,Oyukahira amaha oko Yehova Mungu wiwe,
6 Omuhangyiki w’olubula n’ekihugho,Engetse, n’ebyosi ebiri mubyo,Oyuteleghula emighulu yiwe yosi,
7 Oyukaleka abakanubibawa ibakolerwa omo bulingirirania,Oyukaha abakwire enzala b’akalyo.
Yehova akabohola abali omo muliki.*
8 Yehova anemulibula ameso w’esyondime-time;Yehova anemuhangania ababirikondomibwa;Yehova anzire abatunganene.
9 Yehova akateghaya ababunga;Akawatikaya omwana oyutawite ise,* n’omukwakali,Aliwe akalutaya emipango y’ababi.*
10 Yehova akendisyabya Mwami kera na kera,Iwe Sioni, oMungu waghu akendisyabya Mwami oko kizazi* n’erihika oko kindi kizazi.
Mupipe Yah!*
Amaelezo awehikwa
^ Kutse “Aleluyah!” ”Yah” ni kikuhi ky’erina Yehova.
^ Kutse “enafsi yaghe yosi.”
^ Kutse “ngenditunga akasimo.”
^ Kutse “esyoseghu-seghu.”
^ Kutse “omuka.”
^ Kinywa kwa kinywa, “ababohire.”
^ Kutse “engubi.”
^ Kutse “akahengemaya enzira y’ababi.”
^ Kutse “olulengo.”
^ Kutse “Aleluyah!” “Yah” ni kikuhi ky’erina Yehova.