Esyonyimbo 147:1-20
147 Mupipe Yah!*
Ni kibuya eriimbira* oMungu wetu y’esyonyimbo sy’eripipa;Kikatsemesaya kandi kitolere erimupipa!
2 Yehova anemutasyahimba e Yerusalema;Anemuhindania haghuma abapanza-panzawa ba Israeli.
3 Akalamaya ab’emitima eyibunangikire.
Akaboha ebironda byabo.
4 Asi emighanzo y’esyongununu ;Akabirikira esyosi omo mena wasyo.
5 Omukama wetu ni mukulu kandi awite amaka n’obutoki bunene;Amenge* wiwe syangatoka erilengwa.
6 Yehova akahanganaya abolo-bolo,Nikwa akahinolera ababi oko kitaka.
7 Mwimbire Yehova y’esyonyimbo sy’ewasingya;Mwimbire oMungu wetu y’esyonyimbo sy’eripipa, omo nanga,*
8 Oyukaswika ekyanya omo bitu,Oyukaha ekihugho ky’embula,N’oyukaleka ebiti ibyalasa oko bitwa.
9 Akaha esyonyama sy’akalyo,Ebyana by’ebikororo ebikamusabako.
10 Syalitsemera amaka w’esabayiri;Kutse amaghulu w’amaka aw’omundu syalimuswekaya.
11 Yehova akatsemera abakamubaha,Abakalindirira olwanzo lwiwe oluteleghula.
12 Iwe Yerusalema, uhe Yehova y’olukengerwa.
Iwe Sioni, upipe oMungu waghu.
13 Akawataya emihomo y’emilango y’omuyi waghu;Akatsumula abana* baghu abikere omw’iwe.
14 Akaleta omo biharo byaghu mw’obuholo;Akakughutaya omo ngano eyuwene kutsibu.*
15 Akalayira ekitolere eribya oko kihugho;Ekinywa kiwe kikatibita kutsibu.
16 Akatuma enzururu ng’obweya bw’embuli;Akatsatsanga amatsuku ng’eribu.
17 Akatoghaya amatwa* wiwe ng’ebitole.
Nindi yo wangimana omo mbeho yiwe?
18 Akatuma ekinywa kiwe, ibyayeyuka.
Akaleka erihunga liwe ilyabuhirira, neryo amaghetse iniasenda.
19 Akabwira Yakobo y’ekinywa kiwe,Akabwira Israeli ebighenderwako biwe n’eritswera liwe.
20 Syalyatakolera atya ekindi kihanda kyosi-kyosi;Sibasiki okw’itswera liwe.
Mupipe Yah!*
Amaelezo awehikwa
^ Kutse “Aleluyah!” “Yah” ni kikuhi ky’erina Yehova.
^ Kutse “eritunga akasimo.”
^ Kutse “obuyiteghererya.”
^ Kutse “edungu.”
^ Kinywa kwa kinywa, “abana b’obulume.”
^ Kinywa kwa kinywa, “erinuna rye.”
^ Kutse “eritsuku.”
^ Kutse “Aleluyah!” “Yah” ni kikuhi ky’erina Yehova.
