Esyonyimbo 148:1-14
148 Mupipe Yah!*
Elubula eyo, mupipe Yehova;Mumupipe omo kyanya mw’eyo.
2 Mumupipe, inywe bamalaika biwe bosi.
Mumupipe, inywe milondo yiwe yosi y’abasuda.
3 Mumupipe, iwe ryuba n’omughenda.
Mumupipe, inywe syongununu syosi esikakangabasanaya.
4 Mumupipe, inywe kyanya ky’endata kutsibu*N’amaghetse awali endata oko kyanya.
5 Ebyosi bipipe erina lya Yehova,Kusangwa mwalayira, nabyo mubyahangyikwa.
6 Abirihandabyo kera na kera,Abirihiraho ekyalayiro ekitendisyahwaho.
7 Mupipe Yehova erilua oko kihugho,Inywe bihangyikwa binene-binene by’omo ngetse n’emitobero yosi y’amaghetse,
8 Inywe hirabyo n’eritsuku, enzururu n’ebitu ebikinire kutsibu,Inywe bihunga ebikalire kutsibu, ebikaberereraya ekinywa kiwe,
9 Inywe bitwa n’ehitwa hyosi,Inywe miti y’amatunda nenyu inywe mierezi yosi,
10 Inywe nyama sy’omoli n’enyu inywe syonyama syosi sy’eka,Inywe bindu bikakululuka n’esyonyunyu,
11 Inywe bami b’ekihugho nenyu inywe bihanda byosi,Inywe banya-mwami nenyu inywe batsweri bosi b’ekihugho,
12 Inywe balwana nenyu inywe bambesa,*Abasyakulu haghuma* n’abalwana.
13 Abosi* bapipe erina lya Yehova,Kusangwa erina liwe risa lyo liri endata yo hali-hali.
Obukulu bwiwe buli endata oko kihugho n’oko lubula.
14 Akendisyakanyrirya amaka* w’abandu biwe,Busana n’eripipa ly’abataleghula biwe bosi,Abaghala ba Israeli, abandu abo anzire kutsibu.
Mupipe Yah!*
Amaelezo awehikwa
^ Kutse “Aleluyah!” “Yah” ni kikuhi ky’erina Yehova.
^ Kinywa kwa kinywa, “ekyanya ky’ekyanya.”
^ Kinywa kwa kinywa, “ababikira.”
^ Kutse “abakulu n’abalere haghuma.”
^ Kutse “ebyosi.”
^ Kinywa kwa kinywa, “erihembe.”
^ Kutse “Aleluyah.” “Yah” ni kikuhi ky’erina Yehova.
