Esyonyimbo 16:1-11
Emiktani* ya Daudi.
16 Mungu, uniteghaye kusangwa n’iwe busayiro bwaghe.
2 Nabiribwira Yehova niti: “Yehova, iwe nzuko y’ebibuya byaghe.
3 Kandi n’ababuyirire abali omo kihugho,Ab’olukengerwa bakaleka inatsema kutsibu.”
4 Abakakwamirira eyindi miungu bakakanyaya amalighe wabo.
Sinendisyuta n’ahake amahere wabo w’obwabu aw’omusasi,Kutse eminywa yaghe siyendisyahula amena wabo.*
5 Yehova ni righabo ryaghe, ni buteke bwaghe, n’ekikombe kyaghe.
Ukateghaya omwandu waghe.
6 Nabiripimirwa emyanya eyuwene.
Inga, ngatsemera omwandu waghe.
7 Ngendipipa Yehova oyo wabirimba erihano.
Nibya n’omo kiro amalengekania waghe w’emwisi-mwisi* akanikunga.
8 Ngahira Yehova y’embere syaghe mughulu wosi.
Sinendisyasuka-sukanibwa* n’ahake kusangwa ali oko luhande lwaghe lw’amali.
9 Omutima waghe akatsema, ingye wosi* nitsemire.
Kandi nikere* buholo.
10 Kusangwa siwendisyanileka* omw’Isinda.*
Siwendisyaligha omutaleghula waghu alangire ekyuna.*
11 Ukanikangiriraya esyonzira sy’engebe.
Embere syaghu* yiri obutseme bunene,Oko byala byaghu by’amali hali obutseme* bwa kera na kera.
Amaelezo awehikwa
^ Ulebaye Amaana w’ebinywa.
^ Ni bugha ambu, amena w’emiungu y’amabehi.
^ Kutse “eriyowa ryaghe ry’emwisi-mwisi.” Kinywa kwa kinywa, “esyombiko syaghe.”
^ Kutse “sinendisyaghuna-ghuna (sinendisyaghololoka.)”
^ Kinywa kwa kinywa, “olukengerwa lwaghe.”
^ Kutse “aho mubiri waghe ikere.”
^ Kutse “siwendisyaleka enafsi yaghe.”
^ Kutse “Esheoli,” ni bugha ambu, “eyisinda y’abandu bosi.” Ulebaye Amaana w’ebinywa.
^ Kutse alinga, “erilola okw’ihonda.”
^ Kinywa kwa kinywa, “haghuma n’obusu bwaghu.”
^ Kutse “ebitsange.”
