Esyonyimbo 17:1-15
Omusabe wa Daudi.
17 Yehova, wowe omusabe waghe ow’erisaba erikola omo ritunganene;Uteghe amatwi oko kiriro kyaghe eky’erisaba obuwatikya;Wowe omusabe waghe ogho ngasaba butsira amatebo.
2 Uyisoghe ekitunganene busanana naghe;Ameso waghu alangire ekyuwene.
3 Wabiriyiteghererya omutima waghe, wabirinitsopolya omo kiro;Wabirinyerya,*Ukendilangira ngoko sinitapanga erikola ekibi kyosi-kyosi,Obuno bwaghe sibutakola erilolo.
4 Oko bilebirye emibiiri y’abandu,Erikwamana n’ekinywa ky’eminywa yaghu, ngayiheghula oko syonzira sy’omwibi.
5 Ebisando byaghe bisighale omo syonzira syaghuNeryo ebisando byaghe isibyenditwikala.
6 Mungu ngakulakira, kusangwa ukanyowa.
Uniteghe okutu.* Uhulikirire ebinywa byaghe.
7 Ukanganaye olwanzo lwaghu oluteleghula omo nzira eyikaswekaya,Iwe Mulamya w’abakasonda-sondaya ah’erisaghira oko byala byaghu by’amaliBakasagha abakayisamambula okw’iwe.
8 Uniteghaye ng’akalangira k’eriso ryaghu;Unibise omo kitsutsu ky’ebipupa byaghu.
9 Uniteghaye oko babi abakalwa naghe,Oko syonzighu* buyira esinitimbireko.
10 Ni bandu abatekwa obulighe;*Obuno bwabo bukabugha omo miyiheko;
11 Neryo lino batutimbireko;Bakasondekanaya akanya k’erileka itwawa ahisi.*
12 Ali ng’endale* eyiyiteghekire eritulanga ekyo yiryahigha mo bihande-bihande;Ng’omusuko w’endale owasunamire akalimbya.
13 Yehova uhangane, ulwe naye, umukinde ahisi;Unilamaye* oko babi omo muyali waghu;
14 Yehova, unilamaye omo byala byaghu,Unilamaye oko bandu b’ekihugho kino* abo omwandu wabo ali omo ngebe eno,Abo ukughutaya omo bindu bibuya ebyo ukahirahoN’abakasighira abana babo bangyi b’omwandu.
15 Nikwa ingye, ngendisyalangira obusu bwaghu omo ritunganene;Eribya ngabuka ininasi ko une naghe,* ekyo kikanitsemesaya.
Amaelezo awehikwa
^ Omo Kiebrania eribughakyo ngoko kine, kikamaanisaya eryerya ekyuma omw’ihisyakyo omo muliro.
^ Kutse “uname unihulikirire.”
^ Kutse “esyonzighu syaghe esikalwa n’enafsi yaghe.”
^ Kutse “bayibohere omo bisabu byabo.”
^ Kutse “eritughusa ahisi.”
^ Kutse “esimba.”
^ Kutse “ulamaye enafsi yaghe.”
^ Kutse “emighulu.”
^ Kutse “erilangira ngoko usosire.”
