Esyonyimbo 20:1-9
-
Omulamo busana n’omwami w’oMungu oyuhirirweko amaghuta
-
Abandi bakayiketera esyongurubani n’esyosabayiri, ‘Nikwa itwe tukalakira erina lya Yehova’ (7)
-
Oko musondoli. Omuziki wa Daudi.
20 Yehova akusubiraye omo kiro ky’obulighe.
Erina ry’oMungu wa Yakobo rikuteghaye.
2 Akutumire obuwatikya erilua ahabuyirireAkuwatikaye erilua e Sioni.
3 Ibuke amahere waghu wosi w’olusunzo;Alighe n’obutseme* amahere waghu w’eryokererya. (Sela)
4 Akuhe ebyo omutima waghu anzireKandi atokesaye emipango* yaghu yosi.
5 Tukendisyuta obwogho bw’obutseme;Busana n’emibiiri yaghu y’erilamya.
Tukendisyasumba esyobendera syetu omo rina ry’oMungu wetu.
Yehova aberereraye ebyosi ebyo ukasaba.
6 Lino nyasi ngoko Yehova akalamaya oyuhirirweko amaghuta wiwe.
Akamusubiraya iniane omo lubula lwiwe lubuyirireOmw’ilamya* linene omo byala biwe by’amali.
7 Abandi bakayiketera esyongurubani,*N’abandi bakayiketera esyosabayiri.
Nikwa itwe tukalakira erina rya Yehova Mungu wetu.
8 Babiritera n’eriwa,Nikwa itwe twabirihangana n’erimanibwa ndeke.
9 Yehova, ulamaye omwami!
Akendisyatusubirya omughulu tukendisyasaba obuwatikya.
Amaelezo awehikwa
^ Kinywa kwa kinywa, “alangiregho mo bisabu.”
^ Kutse “erihana.”
^ Kutse “erikinda.”
^ Kutse “emitoka y’amalwa eyikakurawa; esyosyaryo.”
