Esyonyimbo 21:1-13
Oko musondoli. Omuziki wa Daudi.
21 Yehova, omwami akatsema omo maka waghu;Akatsema kutsibu omo mibiiri yaghu y’erilamya!
2 Wabirimuha ebyo omutima wiwe anzire,Kandi sulitamwima ebyo eminywa yiwe ikasaba. (Sela)
3 Ukasa, erisyahindana naye n’emiyisa mingyi;Ukahira oko mutwe wiwe kw’embita y’ehoro eyuwene.*
4 Mwakusaba engebe, naghu muwamuhayo,Engebe nyiri,* kera na kera.
5 Emibiiri yaghu y’erilamya ikaleka iniabya n’olukengerwa lunene.
Ukamuhirako erisikibwa n’obubuya.
6 Ukaleka iniabya w’omuyisa kera na kera;Ukaleka iniatsema omo butseme obuli embere syaghu.*
7 Kusangwa omwami ayiketere Yehova;Busana n’olwanzo oluteleghula lw’Ow’endata Kutsibu, syendisyasuka-sukanibwa n’ahake.*
8 Ebyala byaghu bikendisyabana esyonzighu syaghu syosi;Ebyala byaghu by’amali bikendisyabana abakukwire obusu.
9 Oko ndambi eyo wabirihiraho, omughulu ukendisyayiteghereryabo ukendisyayirabo ng’etanuru eyirimo omuliro.
Yehova akendisyamerabo omw’ihitana liwe, n’omuliro akendisyabughabo.
10 Ukendisyaherya olubuto* lwabo erilua omo kihugho,N’abana babo erilua oko baghala b’abandu.
11 Kusangwa mubayisunza erikukolera ekituwene omo mbita;Babiriya esyombita esikendisyataluka.
12 Kusangwa ukendisyaleka ibabinduka n’eritibitaUkalengererabo* omo buta* bwaghu.
13 Yehova, uhangane, omo maka waghu.
Tukendiimba tukapipa* obutoki bwaghu.
Amaelezo awehikwa
^ Kutse “ey’erire.”
^ Kinywa kwa kinywa, “ebiro ebikakirye.”
^ Kinywa kwa kinywa, “obusu.”
^ Kutse “syendisyaghuna-ghuna (syendisyaghololoka) n’ahake.”
^ Kinywa kwa kinywa, “ebighuma.”
^ Kinywa kwa kinywa, “ukalengerera amusu wabo.”
^ Kinywa kwa kinywa, “ekamba y’obuta.”
^ Kinywa kwa kinywa, “tukendiimba n’eritunga akasimo.”