Esyonyimbo 22:1-31
Oko musondoli. Omuziki wa Daudi. Omo mulenge w’engabi y’obukali y’emitsange.*
22 Mungu waghe, Mungu waghe, busanaki wabirinisighania?
Busanaki uli hali butsira erinilamya,Busanaki sighulyowa emilake yaghe y’obulighe?
2 Mungu waghe, ngabera eribirikira omo musibo, aliwe sighulisubiraya;N’omo kiro, sindihuna.
3 Aliwe ubuyirire,Eripipa lye Israeli likutimbireko.*
4 Abotata-kulu wetu mubayiketera we;Mubayiketera we, naghu muwabya ukabalamya.
5 Ibakakulakira, neryo mubalamibwa;Mubayiketera we, kandi mubataluhira busa.*
6 Nikwa ingye indi munyole, sindi mundu,Abandu bakanisekereraya* n’ebihanda binighonere.
7 Abosi abakanilangira, bakanisekereraya;Bakaseka n’eritsingya emitwe yabo omo kaghonero.
8 “Mwayihira omo byala bya Yehova. OMungu amusabule!
OMungu amulamaye, kusangwa amwanzire kutsibu!”
9 N’iwe wanilusaya omo nda,N’iwe waleka inayowa mbolere oko mabere wa mama waghe.
10 Erilua okw’ibutwa, munahirwa omo buteya* bwaghu;Erilua omo nda ya mama waghe, wabiribya Mungu waghe.
11 Isiwabya hali okw’ingye, kusangwa obuhanya bukisiya ibwahikaKandi singwite oghundi oyo wanganiwatikya.
12 Esyonume sy’esyonde nyingyi esikine nyilere, sinitimbireko;Esyonume sy’esyonde sye Bashani esy’amaka, sinitimbireko.
13 Sikatanda amuno wasyo erilwa naghe,Ng’endale* eyikaruruma eyikatulanga ekyo iryahigha mo bihande-bihande.
14 Nabiryutwa ng’amaghetse;Amakuha waghe wosi abirileghukala.
Omutima waghe abiribya ng’ekisese;*Akahwerekerera emwisi syaghe.
15 Akaghala kaghe kakuma ng’oluyo;Olulimi lwaghe lukamatira oko bitininia byaghe;Ukanyandaghaliraya omo lututu lw’oluholo.
16 Kusangwa esyombwa sinitimbireko;Sinitimbireko ng’ekikumula ky’abakola-nabi,Siri oko byala byaghe n’oko bisando byaghe ng’endale.*
17 Nanganaghanza amakuha waghe wosi.
Esyonzighu sikanisamalira n’erinihandako ameso.
18 Bakaghabana esyongyimba syaghe,N’erikola obukanga busana n’olukimba lwaghe.
19 Nikwa iwe, Yehova, isiwasighala hali.
Uli kaghala kaghe; wase luba uniwatikaye.
20 Unilamaye* oko muyali,Ulamaye engebe* yaghe y’obughuli oko syonyala* sy’esyombwa;
21 Unilamaye oko buno bw’endale* n’oko mahembe w’esyonume sy’esyonde esy’omoli;*Unisubiraye kandi unilamaye.
22 Ngenditulaghania erina lyaghu oko baghala betu;Omo kati-kati k’endeko ngendikupipa.
23 Inywe mukubaha Yehova, mumupipe!
Inywe bosi olubuto lwa Yakobo, mumuhalambe!
Mumubahe kutsibu, inywe bosi olubuto* lwa Israeli.
24 Kusangwa syalyatapokya amaghali w’oyukanubibawa kutse erilangiragho mo nye;Syalyatamubisa obusu bwiwe.
Omughulu abya akamulakira akasaba obuwatikya, mwowa.
25 Ngendikupipa omo ndeko nene;Ngendisyaliha ebyo nayilagha embere sy’abosi abakakubaha.
26 Abolo bakendisyalya ibughuta;Abakasonda-sonda Yehova bakendisyamupipa.
Mutsemere engebe* kera na kera.
27 Emisike yosi y’ekihugho ikendisyibuka neryo iyasuba oko Yehova.
Ebitunga byosi by’ebihanda bikendisyunama embere siwe.
28 Kusangwa obwami ni bwa Yehova;Akatabala oko bihanda.
29 Abandu b’oko kihugho abakayitoka* bakendisyalya n’erimunamira;Abakandaghalira omo lututu bakendisyakukama embere siwe;Sihali n’omughuma wa kubo oyo wangateya engebe* yiwe.
30 Abitsikulu* babo bakendisyamukolera;Ekizazi* ekikendisyasa kikendisyabwirwa oko Yehova.
31 Bakendisyasa ibakania oko ritunganene liwe.
Bakendisyakanirya abandu abatebabutwa ebyo abirikola.
Amaelezo awehikwa
^ Kutse alinga, “erikwamana n’omudele w’eryimba.”
^ Kutse “uli mwami omo (oko).”
^ Kutse “mubatahemuka.”
^ Kutse “niri nye oko.”
^ Kinywa kwa kinywa, “nabirighuswa okw’iwe.”
^ Kutse “esimba.”
^ Kutse “ekihembo; ekisisi.”
^ Kutse “esimba.”
^ Kutse “ulamaye enafsi yaghe.”
^ Kinywa kwa kinywa, “ebyala.”
^ Kinywa kwa kinywa, “enguma nyisa eyo niwite.” Akahula enafsi yiwe kutse engebe.
^ Kutse “esimba.”
^ Kutse “esyonganda.”
^ Kinywa kinywa, “embuto.”
^ Kinywa kinywa, “emitima yenyu ibyeho.”
^ Kinywa kinywa, “abanenehire.”
^ Kutse “enafsi.”
^ Kinywa kwa kinywa, “embuto.”
^ Kutse “olulengo.”