Esyonyimbo 24:1-10
-
Omwami w’olukengerwa amingira omo milango
-
‘Ekihugho ni kya Yehova’ (1)
-
Omuziki wa Daudi.
24 Ekihugho n’ebyosi ebiri kukyo ni bya Yehova,Ekitaka ekikahetaya n’abali kukyo.
2 Kusangwa abirihandakyo ikinasikire oko syongetseN’erihandakyo ikinasikire oko syonyusi.
3 Nindi yo wangirukira oko kitwa kya Yehova,Kandi nindi yo wangimana ahabuyirire hiwe?
4 Ow’ebyala ebiteko olubanza* kandi ow’omutima owerire,Oyutitakola erilahirya ry’amabehi oko ngebe Yaghe,*Kutse erilahirya omw’iteba.
5 Akendisyabana emiyisa erilua oko YehovaN’eritunganene* erilua oko Mungu wiwe oyukalamaya.
6 Eki kye kizazi* eky’abakamusonda-sonda,Eky’abakasonda-sonda obusu bwaghu, Mungu wa Yakobo. (Sela)
7 Musumbe emitwe yenyu, inywe syongyo;Mukingukale,* inywe syongyo sya kera,Omwami w’olukengerwa atoke eriingira!
8 Omwami w’olukengerwa oyu nindi?
Yehova, ow’amaka n’ow’obutoki,Yehova, embangyi y’amalwa.
9 Musumbe emitwe yenyu, inywe syongyo;Mukingukale, inywe syongyo sya kera,Omwami w’olukengerwa atoke eriingira!
10 Omwami w’olukengerwa oyo, nindi?
Yehova ow’emilondo—yo Mwami w’olukengerwa. (Sela)
Amaelezo awehikwa
^ Kutse “omusango.”
^ Kutse “Enafsi yaghe,” akahula engebe ya Yehova eyo omundu akalahirayako.
^ Kutse “eritswera eritunganene.”
^ Kutse “olulengo.”
^ Kutse “muhangane.”
