Esyonyimbo 26:1-12
Olwimbo lwa Daudi.
26 Yehova unitswere, kusangwa nabirilendera omw’iluyirirana;Nabiriyiketera Yehova butsira eritenga-tengana.
2 Yehova unitsopolaye, kandi unilengeko;Weraye amalengekania waghe w’emwisi-mwisi* n’omutima waghe.
3 Kusangwa olwanzo lwaghu oluteleghula lukabya embere syaghe mughulu wosi,Kandi ngalendera omo kwenene yaghu.
4 Siniri mwira* w’abatebya,Kandi ngayihighula oko abakabisa ngoko bali.*
5 Niponire ekikuto ky’abandu babi,Kandi sinditsanga* n’abakola-nabi.
6 Ngendisyanaba oko byala erikangania ngoko sindiko lubanza,Kandi Yehova, ngendisyatimba oko kiherero kyaghu,
7 Erileka omulenge w’ewasingya inyowika,N’eritulaghania emibiiri yaghu y’eriswekera.
8 Yehova, nyanzire enyumba aho wikere,Ahikere olukengerwa lwaghu.
9 Isiwanibiraya* haghuma n’ababi,Kutse eriniita haghuma n’abiti,*
10 Abo ebyala byabo bikasangira oko mikolere eyikita esisoni,N’abo ebyala byabo by’amali byoswiremo ebyutuliro.
11 Nikwa ingye ngendisyalendera omw’iluyirirana lyaghe.
Unilamaye* kandi unikanganaye olukogho.
12 Nimene oko kitaka ekilingirirene;Ngendisyapipa Yehova omo ndeko nene.*
Amaelezo awehikwa
^ Kutse “eriyowa lyaghe ly’emwisi-mwisi.” Kinywa kwa kinywa, “esyombiko syaghe.”
^ Kinywa kwa kinywa, “sindiikala.”
^ Kutse “sindiyitulunganaya n’abatebya.”
^ Kinywa kwa kinywa, “sindiikala.”
^ Kutse “isiwabiraya enafsi yaghe.”
^ Kutse “abandu abakuta omusasi.”
^ Kutse “unitongolaye.”
^ Kinywa kwa kinywa, “emihindano minene-minene.”