Esyonyimbo 27:1-14
Olwa Daudi.
27 Yehova ni kyakakala kyaghe n’omulamo waghe.
Nindi yo nangubaha kwehi?
Yehova ni hakongotere h’engebe yaghe.
Nindi yo wanganititimania?
2 Omughulu abandu babi banibambira bakasonda erinitomera,Esyonzighu syaghe n’abakanyaghalaya bo batwikala n’eriwa.
3 Nomo omulondo w’abasuda anganitimbako,Omutima waghe syendisyubaha.
Nibya nomo oluhi lwanganitimbako,Ngendisyasighala ininasikire.
4 Nabirisaba Yehova yo mwatsi mughuma—omwatsi ogho ngendisondekania—
Eriikala omo nyumba ya Yehova omo biro byosi by’eribyaho lyaghe,Eritungerera* obubuya bwa YehovaN’erilangira ehekalu* yiwe ininatsemire.*
5 Kusangwa akendisyanibisa omo buwamo bwiwe oko kiro ky’obuhanya;Akendisyanibisa omo mwanya owabiseme ow’ehema yiwe;Akendisyanihira endata oko lukuka.
6 Neryo lino, omutwe waghe ayisumbire endata oko syonzighu esinitimbireko;Ngendiherera amahere oko hema yiwe ininemuta obwogho bw’obutseme;Ngendisyimbira Yehova y’esyonyimbo sy’eripipa.*
7 Yehova, unyowe omughulu ngakulakira;Unikanganaye olukogho kandi unisubiraye.
8 Omutima waghe mwanibukya omwatsi ogho wanilayira uti:
“Usonda-sondaye obusu bwaghe.”
Yehova ngendisondya-sondya obusu bwaghu.
9 Isiwanibisa obusu bwaghu.
Isiwahigha omughombe waghu omo buhitane.
Iwe muwatikya waghe;Isiwanighusa kutse isiwanisighanaya, Mungu waghe oyukalamaya.
10 Nibya nomo baba na mama waghe banganisighania,Yehova inyakendisyanilembera.
11 Yehova, unikangiriraye enzira yaghu,Kandi busana n’esyonzighu syaghe, unisondole omo nzira y’eritunganene.
12 Isiwanihira omo byala by’esyonzighu* syaghe,Kusangwa abimiri b’amabehi babirihangana erilwa naghe,Kandi bakanyubahiriraya omo butsururu.
13 Nangabere wandi ko natabya nikiriryeNgoko ngendisyalangira obubuya bwa Yehova omo kihugho ky’abaliho?*
14 Uyiketere Yehova;Ubye mutubaha kandi suleke omutima akalua omo nda.
Inga, uyiketere Yehova.
Amaelezo awehikwa
^ Kutse “eritungerera ininemughanirya.”
^ Kutse “ahabuyirire.”
^ Kutse “eritungerera ininemughanirya.”
^ Kutse “ngendisyatunga akasimo.”
^ Kutse “oko nafsi y’esyonzighu syaghe.”
^ Kutse alinga, “kwenene nikiririye ngoko ngendisyalangira obubuya bwa Yehova omo kihugho ky’abaliho.”
