Esyonyimbo 28:1-9
-
Omusabe w’omwimbi w’esyonyimbo amowibwa
-
“Yehova ni maka waghe n’engabo yaghe” (7)
-
Olwa Daudi.
28 Yehova Olukuka lwaghe, ko ninemukulakira;Isiwayiha ebitsiha ngakulakira.
Wamabinihuna,Ingendibya ng’abakandaghalira omo kyuna.*
2 Uhulikirire erilaka lyaghe omughulu ngakusaba obuwatikyaOmughulu ngasumba ebyala byaghe erilolyabyo oko kyumba ky’ekati ky’ahabuyirire haghu.
3 Sighunitwale haghuma n’ababi, haghuma n’abakakola ebibi,Abakabwira abalikyabo b’ebinywa by’obuholo nikwa omo mitima yabo imoswire obubi.
4 Ulihebo busana n’emibiiri yabo,Erikwamana n’emikolere yabo mibi.
Ulihebo busana n’emibiiri y’ebyala byabo,Erikwamana n’ebyo babirikola.
5 Kusangwa sibatsomene emibiiri ya Yehova,Kutse emibiiri y’ebyala biwe.
Akendisyasambulabo, syendisyasyahimbabo.
6 Yehova apipawe,Kusangwa abiryowa erilaka lyaghe ly’erisaba obuwatikya.
7 Yehova ni maka waghe n’engabo yaghe;Omutima waghe akayiketera ye.
Abiriniwatikya, n’omutima waghe akatsema,Neryo ngendimupipa omo lwimbo lwaghe.
8 Yehova ni maka w’abandu biwe;Ni hakongotere, akaletera oyihirirweko amaghuta wiwe y’erilama linene.
9 Ulamaye abandu baghu kandi utsumule omwandu waghu.
Ulisayebo n’erihekabo omo byala byaghu kera na kera.
Amaelezo awehikwa
^ Kutse “eyisinda.”
