Esyonyimbo 29:1-11
Omuziki wa Daudi.
29 Muhe Yehova y’ekyo atolere, inywe bana b’abandu b’amaka,Muhe Yehova y’ekyo atolere busana n’olukengerwa lwiwe n’amaka wiwe.
2 Muhe Yehova y’olukengerwa olutolere erina liwe.
Munamire* Yehova imunambite esyongyimba esibuyirire.*
3 Omulenge wa Yehova akowika endata oko maghetse;Olukengerwa lw’oMungu lukabughaya emilumo.
Yehova ali endata oko maghetse mangyi.
4 Omulenge wa Yehova awite akaghala;Omulenge wa Yehova aghambire kundu.
5 Omulenge wa Yehova anemubunanga emierezi;Inga, Yehova akabunanga emierezi ye Lebanoni.
6 Akaleka e Lebanoni* iyatwa ebika ng’ekyana ky’ende,Ne Sioni iyatwa ebika ng’enume y’ende y’omoli* eyikine nyilere.
7 Omulenge wa Yehova akayiswiraya haghuma n’ebirimi by’omuliro;
8 Omulenge wa Yehova akaleka embwarara iyatitimana;Yehova akaleka embwarara ye Kadeshi iyatitimana.
9 Omulenge wa Yehova akaleka engabi iyatitimana neryo iyabutaKandi omulenge oyo akaleka emisitu iyabya rwangara.*
N’abosi abali omo hekalu yiwe bakabugha bati: “OMungu apipawe!”
10 Yehova ikere oko kitumbi ky’obwami endata oko maghetse awakabwagha;*Yehova ni Mwami, ikere oko kitumbi ky’obwami kera na kera.
11 Yehova akendiha abandu biwe b’akaghala.
Yehova akenditsumula abandu biwe omo buholo.
Amaelezo awehikwa
^ Kutse “muramaye.”
^ Kutse alinga, “busana n’obubuya bw’obubuyirire bwiwe.”
^ Kutse “omulondo w’ebitwa bye Lebanoni.”
^ Kutse “enganda.”
^ Kutse “bwere-bwere.”
^ Kutse “engetse nene y’elubula.”