Esyonyimbo 32:1-11
Olwa Daudi. Maskili.*
32 Oyo oMungu abiribuyira amalolo wiwe atsemire,oyo ekibi kiwe kyabiriswikwa.*
2 Omundu oyo Yehova akaghanza mo oyuteko lubanza* atsemire,Oyo ekirimu kiwe kitemo amatebo.
3 Omughulu nahunira erilolo lyaghe, amakuha waghe muma busana n’erisimba omo musibo wosi.
4 Kusangwa omo musibo n’omo kiro, ebyala byaghu* byabya ibyabirinitsundamira.*
Amaka waghe mwahwa ngoko amaghetse* akanuma omo kihuhania ky’omughulu w’eryuba. (Sela)
5 Oko nduli munaghungama erilolo lyaghe embere syaghu;Mundabisa erilolo lyaghe.
Munabugha niti: “Ngendighungama amalolo waghe oko Yehova.”
Naghu muwaghanyira olubanza lw’amalolo waghe. (Sela)
6 Obuli mutaleghula akendisyakusabaOmughulu ukinasungika.
Neryo nibya n’amaghetse awakabwagha syendisyamuhikako.
7 Uli bubisamo bwaghe;Ukendiniteya oko malighe.
Ukendinitimbyako obwogho bw’ebitsange bw’omulamo. (Sela)
8 “Ngendikuha amenge n’erikukangirirya enzira eyo wangalabamo.
Ngendikuhana eriso lyaghe irine okw’iwe.
9 Isiwabya ng’esabayiri kutse enyumbu eyitawite obuyiteghererya,Eyo erikangamuka lyayo litolere iryakakiribwa n’ekyuma ky’omo buno kutse omukoba w’omo bikyaNeryo imo yasa aho uli.”
10 Ababi bakaghalawa kutsibu;Nikwa olwanzo lwa Yehova oluteleghula lukatimba oko oyukayiketera iye.
11 Inywe batunganene, mutseme omo Yehova, muyisyandire;Mute obwogho bw’obutseme inywe muwite emitima eyitunganene.
Amaelezo awehikwa
^ Ulebaye Amaana w’ebinywa.
^ Kutse “kyabirighanyirwa.”
^ Kutse “oyuteko omusango.”
^ Kutse “erihitana lyaghu.”
^ Kutse “ibyabirinisukamira.”
^ Kutse “amaghetse w’engebe yaghe mwabinduka.”