Esyonyimbo 33:1-22
33 Inywe batunganene mute obwogho bw’obutseme busana na Yehova.
Abatunganene erimupipa ni kindu ekitolere.
2 Muhe Yehova y’ewasingya omo nanga;*Mumwimbire esyonyimbo sy’eripipa* omo kyombo ky’omuziki ky’esyosinga ikumi.
3 Mumwimbire olwimbo luhya-luhya;Muwatelo ndeke omo byoma by’esyosinga, imunemuta obwogho bw’obutseme.
4 Kusangwa ekinywa kya Yehova kitunganene,N’ebyosi ebyo akakola ni by’eriyiketera.
5 Anzire eritunganene n’obulingirirania.
Ekihugho kyoswiremo olwanzo lwa Yehova oluteleghula.
6 Olubula mulwabyaho oko kinywa kya Yehova,N’obuli kindu ekiri mulo* mukyabyaho oko kirimu* ky’obuno bwiwe.
7 Akahindanaya amaghetse w’esyongetse ng’amaghetse awakikire;Akabika amaghetse awalimo ebisunda omo madepo.*
8 Ekihugho kyosi kyubahe Yehova.
Abosi abikere oko kitaka bamukenge.
9 Kusangwa mwabugha ekinywa, byamabya bitya;Mwalayira, nakyo kyamahangana.
10 Yehova abirileka esyombita* sy’ebihanda isyataluka;Abirikakirya emipango* y’ebitunga by’abandu.
11 Nikwa eriyisogha* lya Yehova likendisyahangana kera na kera;Amalengekania w’omutima wiwe akabyaho arilua oko kizazi* erihika oko kindi.
12 Ekihanda ekiwite Yehova mo Mungu wakyo kitsemire,Abandu abo abirisombola eribya mwandu wiwe.
13 Yehova akatungerera inyane elubula;Akalangira abaghala bosi b’abandu.
14 Inyane aho ikereAkatungerera abikalani abali oko kihugho.
15 Yukabumba emitima y’abosi;Akayiteghereraya emibiiri y’abosi.
16 Emilondo mingyi y’abasuda b’omwami yo yitemulamaya;Akaghala kanene k’omulume w’amaka ko katemulamaya.
17 Omundu eriyiketera esabayiri ati yo ikendimulamya,* ni yiteba;Amaka wayo manene syangaleka omundu inyabala.
18 Lebaya! Eriso lya Yehova riri oko bosi abakamubaha,Abakalindirira olwanzo lwiwe oluteleghula,
19 Erilamyabo* oko luholoN’eriteyabo omughulu w’enzala eyikalire.*
20 Tukalindirira* Yehova.
Iye ni muwatikya wetu kandi ni ngabo yetu.
21 Emitima yetu ikatsanga busana naye,Kusangwa tuyiketere erina liwe eribuyirire.
22 Yehova olwanzo lwaghu oluteleghula lubye okw’itwe,Tukalola embere erikulindirira.
Amaelezo awehikwa
^ Kutse “edungu.”
^ Kutse “mutunge akasimo.”
^ Kinywa kwa kinywa, “emilondo yalo yosi.”
^ Kutse “omuka.”
^ Kutse “ebighona.”
^ Kutse “erihano.”
^ Kutse “amalengekania.”
^ Kutse “erihana.”
^ Kutse “olulengo.”
^ Kutse “inyakinda.”
^ Kutse “erilamya esyonafsi syabo.”
^ Kutse “ekiyange.”
^ Kutse “esyonafsi syetu sikalindirira.”
