Esyonyimbo 35:1-28
Olwa Daudi.
35 Yehova, nilwirekoUlwe n’esyonzighu syaghe;Ulwe n’abakalwa naghe.
2 Wimaye akangabo kaghu kake* n’engabo yaghu nene;Uhangane unilwireko.
3 Abakanikwamirira usumbirebo eritumo lyaghu n’embasa* yaghu y’amalwa.
Unibwire* uti: “Niri mulamo waghu.”
4 Abakasonda-sonda engebe* yaghe bahemulawe n’erikuta-kuta.
Abakaya embita y’eriniherya basube enyuma omw’ihemuka.
5 Babye ng’omusunga omo rihunga;Omumalaika wa Yehova ahighirebo hali.
6 Enzira yabo ibyemo omwirimya n’amatendereOmumalaika wa Yehova akakwamirirabo.
7 Kusangwa babiritegha obutimba banihambe isihali ekikaleka;Babirinitakulira ekyuna isihali ekikaleka.*
8 Obuhanya bumuhikire kitsumbukirania;Obutimba obo alyategha bumuhambe;Awe mubo n’eriheribwa.
9 Nikwa ngendisyatsema* busana na Yehova;Ngendisyatsema busana n’emibiiri yiwe y’erilamya.
10 Amakuha waghe wosi akendisyabugha ati:
“Yehova, nindi yuli nga we?
Ukalamaya abatawite akaghala oko b’amaka,Abatawite akaghala n’abera oko bakanyeghabo.
11 Abimiri abatawite amalengekania aghuwene bakanyasira,Ibanibulya emyatsi eyo nitasiko.
12 Bakaniliha ekibi oko kibuya,Ibaleka inayowa* ng’oyulyaholerawa.
13 Aliwe omghuhulu babya balwere, munambala olukimba lw’esaki;*Munayaghalya,* namakola amafungo,N’omughulu emisabe yaghe yabya ikanisubako* butsira ekisubiryo,
14 Munaya eyi n’eyi ngalira, nga ngalira omwira kutse omughala wetu;Mununama omo bulighe ng’oyukalira mama wiwe.
15 Nikwa munabya nabiwa, mubatsema n’erihindana haghuma;Mubahindana haghuma banilimbaye n’erinihunza;Mubanitsambulikania kutsibu kandi mubatabya bukutu.
16 Abatekenga oMungu bakanisekereraya* omo kaghonero,Bakanikereghetera ameno wabo.
17 Yehova, ukendisyatungerera buyira erihika mughulu wahi?
Nilamaye* okw’ibambira lyabo,Ulamaye engebe yaghe* y’obughuli oko myusuko y’esyondale.*
18 Neryo ngendisyakuha ewasingya omo ndeko nene;Ngendisyakupipa omo kati-kati k’abandu bangyi.
19 Isiwaleka abakabya nzighu syaghe isihali ekikaleka bakatsema ngakindwa;Isiwaleka abaniponire isihali ekikaleka bakakoherania bakanisekererya.
20 Kusangwa sibalibugha ebinywa by’obuholo,Nikwa omo matebo, bakayira abali buholo b’ekihugho b’embita.
21 Bakatanda amuno wabo n’erinihandikirirya,Bati: “Ehee! Ehee! Ameso wetu abiriyilangirirakyo.”
22 Yehova wabiriyilangirira eki. Isiwabya bukutu.
Yehova, isiwabya hali okw’ingye.
23 Ubuke, uhangane unilwireko,Yehova Mungu waghe, nilwireko omo lubanza lwaghe.
24 Yehova Mungu waghe, unitswere omo ritunganene lyaghu;Isiwaleka bakatsema busana n’erikindwa lyaghe.
25 Isibasyayibwira bati: “Ehee! Twabirisunga ekyo twabya tukasonda.”*
Isibasyabugha n’ahake bati: “Twabirimumera.”
26 Abosi bahemuke n’erikuta-kuta,Abakatsemera obuhanya bwaghe.
Abakabugha bati banilengire, esisoni n’erihemuka bibaswike.
27 Nikwa abakatsemera eritunganene lyaghe bayisyandire omo butseme;Babughe emighulu yosi bati:
“Yehova ahalambawe oyukatsema omughombe wiwe akabya buholo.”
28 Neryo olulimi lwaghe lukendisyatula* eritunganene lyaghuN’erikupipa omo musibo wosi.
Amaelezo awehikwa
^ Kangyi-kangyi abakalasa emishale bo bakabya nako.
^ Kutse “embasa y’ebighembe bibiri.”
^ Kutse “ubwire enafsi yaghe.”
^ Kutse “enafsi yaghe.”
^ Kutse “babiritakulira enafsi yaghe.”
^ Kutse “enafsi yaghe ikendisyatsema.”
^ Kutse “enafsi yaghe.”
^ Kutse “epiri; olukimba lw’ekiriro.”
^ Kutse “omughulu yabya ikasuba oko kikuba kyaghe.”
^ Kutse “munaghalya enafsi yaghe.”
^ Kutse alinga, “abatekenga oMungu bakanisekereraya busana n’egato.”
^ Kutse “ulamaye enafsi yaghe.”
^ Kinywa kwa kinywa, “enguma nyisa eyo ngwite,” akahula enafsi yiwe kutse engebe yiwe.
^ Kutse “emyusuko y’esyondale eyiwite ebyeya oko bikya.”
^ Kutse “Ehee! Ekyo enafsi yetu yabya ikasonda.”
^ Kutse “erilengekania oko.”
