Esyonyimbo 36:1-12
Oko musondoli. Ni lw’omughombe wa Yehova ye Daudi.
36 Ebibi bikabugha n’omundu mubi omo mutima wiwe mw’emwisi;Ameso wiwe syalyubaha oMungu.
2 Kusangwa omo meso wiwe akayipipa kutsibuInyaghana eripona ekibi kiwe.
3 Ebinywa by’obuno bwiwe bikahutalaya kandi ni by’obutebya;Syalikanganaya obwenge bosi-bosi bw’erikola ekibuya.
4 Nibya inyane omo ngyingo yiwe, akapanga esyombita nyibi.
Ali omo nzira eyituwene;Syaliyihighula oko kibi.
5 Yehova, olwanzo lwaghu oluteleghula luhikire oko lubula.
Obutaleghula bwaghu buhikire oko bitu.
6 Eritunganene ryaghu liri ng’ebitwa binene-binene;*Eritswera lyaghu liri ng’amaghetse mangyi awalimo emitobero.
Yehova, ukateghaya* esyonyama n’abandu.
7 Mungu, olwanzo lwaghu oluteleghula ka ni lw’obughuli bunene!
Abaghala b’abandu bakasaghiraOmo kitsutsu ky’ebipupa byaghu.
8 Bakanywa ibaghambwa omusonge* w’omo nyumba yaghu,Kandi ukanywisayabo oko lusi lw’ebindu byaghu bibuya ebikatsemesaya.
9 Iwe nzuko y’engebe;Busana n’ekyakakala kyaghu tukalangira ekyakakala.
10 Ulole embere erikangania abakwasi b’olwanzo lwaghu oluteleghula,N’eritunganene lyaghu oko b’emitima eyilungukere.
11 Isiwaleka ekisando ky’oyukayiheka kikanilyatiraKutse isiwaleka ebyala by’omubi bikanibinga.
12 Abakola-nabi babiriwira eyo;Babirihinolerwa ahisi, sibangasyahangana.
Amaelezo awehikwa
^ Kinywa kwa kinywa, “ng’ebitwa by’oMungu.”
^ Kutse “ukalamaya.”
^ Kinywa kwa kinywa, “erinuna.”
