Esyonyimbo 37:1-40
Olwa Daudi.
א [Aleph]
37 Isiwahitana* busana n’abandu babiKutse eritsura abakola-nabi.
2 Bakendisyalw’ibuma ng’ebitiN’erikangalaghatana ng’ebiti bibisi.
ב [Beth]
3 Uyiketere Yehova, ukole ekibuya;Wikale oko kihugho,* kandi ubye mutaleghula omo myatsi yosi.
4 Ubane obutseme* bunene omo Yehova,Naye akendisyakuha ebyo omutima waghu akayisunza.
ג [Gimel]
5 Uleke Yehova asondole enzira yaghu;*Uyikete iye naye akendisyakuwatikya.
6 Akendisyaleka eritunganene lyaghu iryakolerya ng’ekyakakala ky’emitsange,N’eriluyirirana lyaghu ng’eryuba ly’eritungyi.
ד [Daleth]
7 Uyibombeke embere sya YehovaKandi umulindirire butsira eriluha.
Isiwahitana busana n’omundu oyukabana endundi omw’iberererya esyombita siwe nyibi.
ה [He]
8 Uleke obuhitane, usighanaye erighalirwa;Isiwahitana; ekyo ikikendileka iwakola ebibi.*
9 Kusangwa abakola-nabi bakendisyalusibwaho,Nikwa abakayiketera Yehova bakendisyasighalya ekihugho.
ו [Waw]
10 Hakisiya akatambi kake, ababi sibendisyasyabyaho,Ukendisyalebya aho babya,Nabo sibendisyasyabyaho.
11 Aliwe abolo bakendisyikala omo kihugho,Kandi bakendisyayisyandira omo buholo bunene.
ז [Zayin]
12 Omundu mubi akaya embita busana n’omundu oyutunganene;Akamukeregheretera ameno.
13 Nikwa Yehova akendimuseka,Kundi anasi ngoko ekiro kiwe kikendihika.
ח [Heth]
14 Ababi bakimaya emiyali yabo n’erikakya* amata waboBatoke erikimya oyukanubibawa n’omwera,Erikera ab’enzira eyitunganene.
15 Nikwa omuyali wabo akendisyatsimita emitima yabo;N’amata wabo akendisyatsutsangika.
ט [Teth]
16 Ebike ebyo omutunganene awiteBilengire obuteke bungyi bw’ababi.
17 Kusangwa amaboko w’abakola-nabi akendisyabunwa,Aliwe Yehova akendisyawatikya abatunganene.
י [Yod]
18 Yehova anasi ebyo abateko olubanza bakalabamo,*N’omwandu wabo akendisyabyaho kera na kera.
19 Sibendisyahemuka omughulu w’amalighe;Omughulu w’enzala bakendisyabya ibane n’akalyo kanene.
כ [Kaph]
20 Nikwa ababi bakendisyahera;Esyonzighu sya Yehova sikendisyabulirana ng’olulisiryo oluwene;Bakendisyabulirirana ng’omuki.
ל [Lamed]
21 Omundu mubi akayibweka nikwa syalituha,Aliwe omutunganene ni mwenge* kandi akahitaya.
22 Abo oMungu abiritsumula bakendisyasighalya ekihugho,Nikwa abo oMungu abiritakira bakendisyahiwa mukyo.
מ [Mem]
23 Yehova akasondola* ebisando by’omunduAmabitsemera esyonzira siwe.
24 Nomo angatwikala, syangawa ahisi,Kusangwa Yehova akamuhambirira oko byala.*
נ [Nun]
25 Nabya mulere, na lino niri mundu mukulu,Aliwe sindinatalangira omutunganene akalekeranibwa,Kutse abana biwe bakasabirirya akalyo.*
26 Ebiro byosi akabweka butsira ndundiN’abana biwe bakendisyatsumulwa.
ס [Samekh]
27 Ubinduke n’erileka* ekibi, ukole ekibuyaUkendisyabyaho kera na kera.
28 Kusangwa Yehova anzire eritswera eritunganene,Kandi syendisyasighania abataleghula biwe.
ע [Ayin]
Bakendisyabya omo buteya mughulu wosi;Nikwa abana b’ababi bakendisyaheribwa.
29 Abatunganene bakendisyasighalya ekihugho,Kandi bakendisyikala kukyo kera na kera.
פ [Pe]
30 Obuno bw’omutunganene bukakangiriraya abandi b’amenge,*N’olulimi lwiwe lukakanaya okw’itswera eritunganene.
31 Emighambo y’oMungu wiwe yiri omo mutima wiwe;Ebisando biwe sibyendisyakita.
צ [Tsade]
32 Omubi akatungerera omutunganene,Akasonda-sonda erimwita.
33 Aliwe Yehova syendisyaleka omutunganene omo byala by’omundu oyoKutse erimwahula mo oyuliko olubanza* omughulu akatswerawa.
34 Uhire amaha oko Yehova kandi ukwame esyonzira siwe,Akendisyakuhamya iwasighalya ekihugho.
Omughulu ababi bakendisyalusibwaho, ukendisyalangira ekyo.
ר [Resh]
35 Nabirilangira omundu mubi oyuwite omutima owakalireAkayisanza ng’omuti owaliko amatahi mangyi owali oko kitaka kyagho.
36 Nikwa mwahwaho kitsumbukirania, amabulirana;Munabya ngamusondya-sondya aliwe mundamubana.
ש [Sin]
37 Uyiteghereraye omundu oyuteko olubanza,*Uhande oko mundu oyuluyirirene kw’eriso,Kusangwa ebiro ebikasa by’omundu oyo bikendisyabyamo obuholo.
38 Aliwe abakola-nabi bosi bakendisyatoghotibwa;Ababi sibawite amaha wosi-wosi omo biro ebikasa.
ת [Taw]
39 Omulamo w’abatunganene akalua oko Yehova;Iye ni hakongotere habo omo mughulu w’amalighe.
40 Yehova akendisyawatikyabo n’erilamyabo.
Akendisyalusyabo omo byala by’ababi n’erilamyabo,Kusangwa bakabana obusaghiro okw’iye.
Amaelezo awehikwa
^ Kutse “isiwaghalirawa omo mutima.”
^ Kutse “ekitaka.”
^ Kutse “uyisyandire.”
^ Kutse “uhire enzira yaghu omo byala bya Yehova; ukumbaghaliraye enzira yaghu oko.”
^ Kutse alinga, “isiwahitana kundi kikakolaya oko bitsibu bisa.”
^ Kutse “n’erihira ekamba.”
^ Kinywa kwa kinywa, “ebiro by’abateko olubanza.”
^ Kutse “ni w’olukogho.”
^ Kutse “akasikaya.”
^ Kutse “omo byala biwe.”
^ Kutse “omukati.”
^ Kutse “ubunukalire.”
^ Kutse “bukabugha amenge omo mulenge w’ahisi.”
^ Kutse “oyuliko omusango.”
^ Kutse “oyukayikasa eribya oyuluyirirene.”
