Esyonyimbo 38:1-22
Omuziki wa Daudi ow’eryibukya.
38 Yehova sighunikunge omw’ihitana lyaghu,Kutse erinihabula omw’ighalirwa lyaghu.
2 Kusangwa emisoha* yaghu yabirinitobola erihika emwisi,N’ebyala byaghu bikanisukamira.
3 Omubiri waghe wosi alwere* busana n’erihitana lyaghu.
Omo makuha waghe simuli obuholo busana n’erilolo lyaghe.
4 Kusangwa amalolo waghe abiribya manene oko mutwe waghe;Ng’omusiko owalitohire, ni manene sinangatoka erihekagho.
5 Ebironda byaghe bikakumba n’erihondaBusana n’obukiru bwaghe.
6 Ngakendera kandi ngaghalawa kutsibu;Ngaya eyi n’eyi omo musibo wosi ininasusumene.
7 Omo mubiri waghe mukaka omuliro;*Omubiri waghe wosi alwere.
8 Nabiribya kihirihiri n’eribunzukala ingye wosi;Obulighe obuli omo mutima waghe bukaleka inasimba* kutsibu.
9 Yehova unasi ebyosi ebyo ngayitsutsa,Sighutagherwe n’erisimba lyaghe.
10 Omutima waghe akapuka-puka, n’amaka waghe abirinihwamo,Ekyakakala ky’ameso waghe kyabiriniluako.
11 Abira baghe n’abalikyetu bakayihighula okw’ingye busana n’obuhanya bwaghe,N’abanyasi ndeke sibaliseghera hakuhi naghe.
12 Abakasonda-sonda obuyingo* bwaghe bakanitegha;Abakasonda erinikola nabi bakanyahuliraya emyatsi mibi;N’amatebo wo bakayira mo mbita omo musibo wosi.
13 Nikwa ngabya ng’omutsiha, sinirihulikirira,Ng’emumu, sindikumbula obuno bwaghe.
14 Nabiribya ng’omundu oyute wangowa,Oyute wangabugha ekyosi-kyosi akayilwirako.
15 Yehova, kusangwa n’iwe nabya ngalindirira,Naghu muwanisubirya, Yehova Mungu waghe.
16 Kusangwa munabugha niti: “Isibatsema busana n’obuhanya bwagheKutse eriyihamya bati banilengire, ekisando kyaghe kyamatendera.”
17 Kusangwa nabya inikisiya inawa,Obulighe bwaghe bwabya haghuma naghe mughulu wosi.
18 Munaghungama erilolo lyaghe;Ekibi kyaghe mukyaleka inahangya-hangya.
19 Aliwe esyonzighu syaghe siwite emibiri eyikalire* kandi siwite akaghala,*Abaniponire isihali ekikaleka babiribya bangyi.
20 Mubabya bakaniliha ekibi oko kibuya;Mubalwa naghe kundi ingakwamirira ekyuwene.
21 Yehova, isiwanisighanaya.
Mungu, isiwabya hali okw’ingye.
22 Wanguhe, uniwatikayeYehova, mulamo waghe.
Amaelezo awehikwa
^ Kutse “emishale.”
^ Kinywa kwa kinywa, “omo mubiri waghe sihali ahakalire.”
^ Kinywa kwa kinywa, “embindi yaghe ikakamo omuliro.”
^ Kutse “inaruruma.”
^ Kutse “enafsi yaghe.”
^ Kutse “siwite amaka.”
^ Kutse alinga, “esyonzighu syaghe ni nyingyi isihali ekikaleka.”