Esyonyimbo 39:1-13
Oko musondoli; ni lw’erimbira oko Yedutuni.* Omuziki wa Daudi.
39 Munabugha niti: “Ngenditeya ekisando kyagheNgasyakola erilolo omo lulimi lwaghe.
Ngenditeya obuno bwaghe omo kindu ky’eriboha obunoOmughulu wosi ogho omundu mubi akendibya embere syaghe.
2 Munabya bukutu munatabugha kinywa;Munabya bukutu nibya n’oko myatsi mibuya,Aliwe amaghali waghe mwabya mangyi.*
3 Omutima waghe mwabya inyanemutumba* emwisi syaghe.
Omuliro mwalola embere eryaka ngaghanirya.*
Neryo olulimi lwaghe mulwabugha:
4 “Yehova, niwatikaye niminye enduli yaghe nga ikendisyabya yiti,Kandi uniwatikaye eriminya olulengo lw’ebiro byaghe,Nitoke eriminya ngoko engebe yaghe ni nguhi.*
5 Oko kwenene wabiriyira ebiro byaghe mo bike;*N’engebe yaghe siki embere syaghu.
Oko kwenene, obuli mundu ni muka buyira nomo angalangirika ng’ali mbolere. (Sela)
6 Oko kwenene obuli mundu akalendera ng’ekitsutsu buyira.
Akaghenda eyi n’eyi* akayiluhirya busa.
Akalundika obuteke isyasi oyukendisyalyabo nga nindi.
7 Neryo Yehova, nangahira amaha w’okuki?
Iwe musa, iwe maha waghe.
8 Unilamaye oko bibi byaghe byosi.
Isiwaleka omukiru akaniyira mo kindu ky’erisekererya.
9 Munitasubya ekinywa n’ekighuma;Munitatanda obuno bwaghe,Kusangwa n’iwe waleka ibyabya bitya.
10 Unilusayeko obuhanya obo waniletere.
Ngayiholera kusangwa ebyala byaghu bikanihunza.
11 Ukahabula omundu omw’imusuyira busana n’erilolo liwe;Ngoko ehinyurughunzu hikanakola, ukaheraya ebindu biwe by’obughuli.
Oko kwenene, obuli mundu ni muka buyira. (Sela)
12 Yehova wowe omusabe waghe,Uhulikirire erilaka lyaghe ly’erisaba obuwatikya.
Ulangire emisonia yaghe.
Kusangwa okw’iwe, niri mubunga buyira.
Omulabi oyukatwangana* ng’abotata-kulu waghe bosi.
13 Unilusayeko ameso w’obuhitane agho wabirinihandakoNitoke erihumula embere nihole* n’eribulirana.”
Amaelezo awehikwa
^ Ulebaye Amaana w’ebinywa.
^ Kutse “mwabya inyanemubera.”
^ Kinywa kwa kinywa, “mwahuha kutsibu.”
^ Kutse “omughulu nikaya omuka.”
^ Kutse “ngoko niri mulabi.”
^ Kinywa kwa kinywa, “ebighanza by’ebyala.”
^ Kinywa kwa kinywa, “akabughaya olukanda.”
^ Kutse “omubalami.”
^ Kutse “nighende.”
