Esyonyimbo 4:1-8
Oko musondoli, ni lw’eriimbira oko byombo by’omuziki eby’esyosinga. Omuziki wa Daudi.
4 Mungu waghe oyutunganene, omughulu ngakubirikira unisubiraye.
Unikokoteraye enzira y’eribala* omo maligho waghe.
Unikanganaye olukogho kandi wowe omusabe waghe.
2 Inywe baghala b’abandu, mukendisyabindula erisikibwa ryaghe mw’ihemuka erihika mughulu wahi?
Erihika mughulu wahi mukendisyanza ebitawite omughaso n’erisondya eby’amabehi kwehi? (Sela)
3 Muminye ngoko Yehova akandisyakolera omutaleghula wiwe omo nzira y’embaghane.*
Yehova akendisyowa ngamubirikira.
4 Muhitane, aliwe isimwakola ekibi.
Mubughe omo mitima yenyu imune oko syongyingo syenyu, mubye bukutu. (Sela)
5 Muherere oMungu y’amahere awatunganene,Kandi muyiketere Yehova.
6 Ni bangyi abakabugha bati: “Nindi yukendisyatukangya ekibuya kyosi-kyosi?”
Yehova, ekyakakala ekikalua oko busu bwaghu kitukoleraye.
7 Wabiryusulya omo mutima waghe mw’obutseme buneneObulabire obutseme bw’abandu ababirighesa engano nyingyi n’abawite edivai nyingyi nyihya-nyihya.
8 Ngasyaghotsera n’eriyato omo buholo,Kusangwa Yehova, iwe musa, n’iwe ukaleka inikala buholo.
Amaelezo awehikwa
^ Kinywa kwa kinywa, “unikokoteraye ahaghalihire; omwanya munene.”
^ Kutse “akendisyaleka omughombe wiwe inialangirika omo nzira y’embaghane; akendisyayihighulira omutaleghula wiwe.”
