Esyonyimbo 40:1-17
Oko musondoli. Omuziki wa Daudi.
40 Munahira amaha* waghe wosi oko Yehova,Mwanitegha okutu kandi mwowa* erilaka ryaghe ery’erisaba obuwatikya.
2 Mwanilusya omo kyuna ekirimo amaghetse awakabera,Mwanilusya omo londo olutendere.
Amahira ekisando kyaghe oko ribwe;Mwanyimania ahasikire.
3 Neryo mwahira olwimbo luhya-luhya omo buno bwaghe,OMungu wetu apipawe.
Abangyi bakendisyasamalira neryo ibubaha kutsibuNeryo ibayiketera Yehova.
4 Obutseme buli oko mundu oyukayiketera YehovaKandi oyuteyiketera ab’erighundu kandi ababehi.*
5 Yehova Mungu waghe,Wabirikola emyatsi mingi,Wabiritukolera emyatsi mingyi eyuwene,Kandi ukabya iko unemutulengekaniako.
Sihali oyo wangalingiriranibwa naghu;Namabisonda erikania n’eribugha kuyo,Ni mingyi kutsibu, sinangatoka eritondogholayo!
6 Mughutayitsutsa* amahere n’esyohongo,Aliwe muwahundula amatwi waghe nitoke eryowa.
Mughutasaba amahere w’eryokererya n’amahere w’erilolo.
7 Neryo munabugha niti: Lebaya, namabyasa.
Omwatsi owanilebirye anahandikire omo kitabu ky’erilinga.*
8 Mungu waghe, ngatsemera* erikola erisonda ryaghu,N’emighambo yaghu yiri omo mutima waghe.
9 Ngatulaghanaya eritunganene omo ndeko nene.
Lebaya! Sindikakiraya eminywa yaghe,Ngoko unasi ndeke, Yehova.
10 Sindihunira eritunganene ryaghu omo mutima waghe.
Ngatulaghanaya obutaleghula bwaghu, n’omulamo waghu.
Omo ndeko nene sindibisa olwanzo lwaghu oluteleghula, n’ekwenene yaghu.
11 Yehova, isiwaghana erinikangya obughanyiri bwaghu.
Olwanzo lwaghu oluteleghula n’ekwenene yaghu biniteghaye mughulu wosi.
12 Amalighe awateghanzika anitimbireko.
Ebibi byaghe bingyi byabirinilundamanako, isinangasyatoka erilangira enzira yaghe,Ni bingyi kwilaba n’esyonzwiri sy’oko mutwe waghe,Omutima abirilua omo nda.
13 Ngakusaba Yehova, kisi ulighe erinilamya.
Yehova wanguhe, uniwatikaye.
14 Abosi abakasonda eribughaho obuyingo* bwagheBahemulawe n’erikuta-kuta.
Abosi abakatsemera amalighe wagheBasube enyuma busana n’erihemuka.
15 Abakanisekereraya bati: Ehee! Si haho!
Bakwe obuba busana n’esisoni syabo.
16 Nikwa abakakusonda-sondaBayisyandire n’eritsema busana naghu.
Abanzire emibiiri yaghu y’erilamya babughe mughulu wosi bati:
“Yehova ahalambawe.”
17 Aliwe niri muhanya kandi niri mwera;Yehova anitungerere.
Iwe muwatikya waghe n’omulamya waghe;Mungu waghe sighusibeyo.
Amaelezo awehikwa
^ Kutse “munalindirira butsir’iluha.”
^ Kutse “mwunama erinihulikirira.”
^ Kutse “abate b’ekwenene.”
^ Kutse “moghutatsemera.”
^ Kinywa kwa kinywa, “omukunzo w’ekitabu.”
^ Kutse “kyo ngayitsutsa.”
^ Kutse “enafsi.”
