Esyonyimbo 41:1-13
Oko musondoli. Omuziki wa Daudi.
41 Obutseme buli n’omundu oyukatsomana omuhanya;Yehova akendisyamulamya omo kiro ky’obuhanya.
2 Yehova akendisyamuteya n’eriteya engebe yiwe.
Akendisyahulwa mo mundu w’obutseme omo kihugho;Siwendisyamuhira omo byala* by’esyonzighu siwe simukole ngoko syanzire.
3 Yehova akendisyamuwatikya omughulu alwere;Kwenene ukendisyaleka inyayowa* ndeke omo ndwala* yiwe.
4 Kusangwa munabugha niti: “Yehova unikwire obulighe.
Unilamaye* kusangwa nabirikukolera erilolo.
5 Nikwa esyonzighu syaghe sikanisunzira ebibi siti:
“Akendisyahola mughulu wahi n’erina riwe iryabulirana?”
6 Omughuma wa kubo akabya asyanibana, omutima wiwe akabugha eby’amabehi.
Akasonda-sonda omwatsi owangahutalya ow’erikania;Neryo akahuluka inyayalalaghaniagho.
7 Abosi abaniponire bakabwirana ebihwehwe;Bakaniyira embita nyibi bati:
8 “Omwatsi owakubahaya abirimuhikira;Neryo kundi lino abiriwa, syendisyasyahangana.”
9 Nibya n’oyo wabya mwira waghe wa hakuhi, oyo nabya niyiketere,Oyo wabya akalya akalyo kaghe, abirinibindukira.*
10 Nikwa iwe, Yehova unikanganaye olukogho kandi unihanganaye,Nitoke eribaliha.
11 Eki kyo kikendisyaleka inaminya ngoko ukanitsemera:
Omughulu enzighu yaghe ikendisyabya isiyangasyuta obwogho bw’erikinda busana naghe.
12 Nikwa ingye, ukaniwatikaya busana n’eribya iniluyirirene;Ukendisyanihira embere sy’obusu bwaghu kera-na kera.
13 Yehova oMungu wa IsraeliApipawe kera na kera.
Amina kandi Amina.
Amaelezo awehikwa
^ Kutse “eriyisunza; enafsi.” Ulebaye Amaana w’ebinywa.
^ Kutse “ukendisyabindula engyingo yiwe.”
^ Kutse “omughulu ali omo ngyingo busana n’obulwere.”
^ Kutse “ulamaye enafsi yaghe.”
^ Kutse “abirisumba akasinziro kiwe erilwa naghe.”