Esyonyimbo 42:1-11
Oko musondoli. Maskili* w’abaghala ba Kora.
42 Ngoko engabi ikanakandira ehyusi,Naghe ngakukandira,* iwe Mungu waghe.
2 Ngoko omundu akanakwa enyota, ngakandira* oMungu oyuliho.
Nyase mughulu wahi neribanika embere sy’oMungu?
3 Omo musibo n’omo kiroEmisonia yaghe yabiribya kalyo kaghe;Omo musibo wosi abandu bakanisekereraya bati: “OMungu waghu ali hayi?”
4 Ngibuka emyatsi eyi, n’eribugha ebyosi ebiri oko mutima,*Kusangwa nanabya ngalendera n’ekikumula ky’abandu;Nanabya ngalendera bukutu-kutu embere syabo ngaya oko nyumba y’oMungu,Ininemuta obwogho bw’obutseme n’eriha oMungu y’ewasingya,Twabya kikumula ky’abandu ekiri oko kiro kikulu.
5 Ngahandabuka* busanaki?
Busanaki ngayibulamo omutima?
Ngendilindirira oMungu,Ngenditasyamupipa kusangwa iye yo Mulamya waghe Mukulu.
6 Mungu waghe ngayibula.*
Busana n’ekyo ngakwibuka,Erilua omo kihugho kye Yordani n’oko syosingyi sye Hermoni,Erilua oko Kitwa kye Mizari.*
7 Emitobero y’amaghetse ikabirikiranaOmo mulenge w’ebisalala byaghu.
Ebisunda byaghu byosi ebikalire byabirinibundamirya.
8 Omo musibo Yehova akendimba olwanzo lwiwe oluteleghula,N’omo kiro olwimbo lwiwe lukendibya haghuma naghe—omusabe oko Mungu oyukamba engebe.
9 Ngendibwira oMungu, eribwe ryaghe niti:
“Busanaki wabirinibirirwa?
Busanaki inalendera ininasusumene busana n’enzighu eyikaninubaya?
10 Esyonzighu syaghe sikanisekereraya omo bukatsu obukalire;*Omo musibo wosi sikanisekereraya siti: “OMungu waghu ali hayi?”
11 Busanaki ngahandabuka?*
Busanaki ngayibulamo omutima?
Ngendilindirira oMungu,Ngenditasyamupipa kusangwa iye yo Mulamya waghe Mukulu kandi Mungu waghe.
Amaelezo awehikwa
^ Ulebaye Amaana w’ebinywa.
^ Kutse “enafsi yaghe ikakukandira.”
^ Kutse “enafsi yaghe yikwire enyota.”
^ Kutse “enafsi yaghe.” Ulebaye Amaana w’ebinywa
^ Kutse “enafsi yaghe ikahandabuka.”
^ Kutse “enafsi yaghe ikayibula.”
^ Kutse “ekitwa kike.”
^ Kutse alinga, “sikabya nga sikabunzungula amakuha waghe.”
^ Kutse “enafsi yaghe ikahandabuka.”
