Esyonyimbo 44:1-26
Oko musondoli. Olwa baghala ba Kora. Maskili.*
44 Mungu, amatwi wetu abiriyowira,Abotatakulu wetu babiritukanirya,Emibiiri eyo wakola omo biro byabo,Omo biro bya kera.
2 Omo byala byaghu muwahigha ebihandaMuwikalyaho abotatakulu wetu.
Muwahinolera ebihanda n’erihighabyo.
3 Omuyali wabo wataleka ibimya ekihugho ekyo,Okuboko kwabo kokwataleka ibakinda,Nikwa ekyo kyabya busana n’ebyala byaghu bya mali,N’okuboko kwaghu n’ekyakakala ky’obusu bwaghu,Kusangwa muwatsemerabo.
4 Mungu, uli Mwami waghe;Uhamule,* Yakobo abane erikinda* rinene.
5 Omo butoki bwaghu tukendisyahigha esyonzighu syetu;Omo rina lyaghu tukendisyalyatangirira abakahangana erilwa netu.
6 Kusangwa obuta bwaghe bo niteyiketera,N’omuyali waghe syanganilamya.
7 N’iwe watulamaya oko syonzighu syetu,Ukahemula abatuponire.
8 Tukendipipa oMungu omo musibo wosi,Tukendiha erina lyaghu ewasingya kera na kera. (Sela)
9 Nikwa wabiritughusa n’erileka itwakuta-kuta,Kandi sighulighenda n’emilondo yetu y’abasuda.
10 Ukaleka itwabera erisuba enyuma tukasagha esyonzighu syetu;Abatupoinire bakimaya ekyosi-kyosi ekyo banzire.
11 Ukatuhira omo byala by’esyonzighu syetu tukerawe ng’esyombuli;Ukatupanza-panzira omo bihanda.
12 Ukaghulaya abandu baghu oko beya nyike kutsibu;Erighulya eryo siririkultere ndundi yosi-yosi.
13 Ukaleka itwabya nye oko bahimbani betu,Ekindu ekyo abatutimbireko bakasekereraya n’eritsamba.
14 Ukaleka itwabya kindu ekighonerwe* omo kati-kati k’ebihanda by’abanduEkindu ekikaleka abandu ibatsingya emitwe.
15 Ngabya ininahemukire omo musibo wosi,Esisoni syaghe sikanihandabukaya,
16 Busana n’olukanda olw’akasekereryo kabo, n’ebitsumi byaboBusana n’enzighu yetu eyikayikisiraya
17 Ebyosi ebi byabirituhikira, aliwe sitwetakwibirirwa,Kandi sitwetaketa endaghane yaghu.
18 Emitima yetu siyetakita;N’ebisandu byetu erilua omo nzira yaghu.
19 Nikwa wabirituhinolera eyo esyombwa sy’omoli* sikere;Wabirituswika ekitsutsu kinene kutsibu.
20 Twamabya imutwibirirwa erina ly’oMungu wetuKutse twamabya imutwasumba ebyala tukasaba omungu w’ehandi,
21 OMungu isyendisyafumbula ekyo kwehi?
Anasi esyokumbo sy’omutima.
22 Tukitawa omo musibo wosi busana naghu;Tukaghanzawa ng’esyombuli sy’erikerwa.
23 Yehova ubuke, busanaki ukalola embere eriyato?
Ubuke isiwatughusa kera na kera.
24 Busanaki ukabisa obusu bwaghu?
Busanaki ukibirirawa amalighe wetu n’omunubo wetu?
25 Kusangwa twabirighuswa* omo lututu;Emibiri yetu ikahinolerawa oko kitaka.
26 Uhangane utuwatikaye!
Utulamaye* busana n’olwanzo lwaghu oluteleghula.
Amaelezo awehikwa
^ Ulebaye Amaana w’ebinywa.
^ Kutse “uhe.”
^ Kutse “omulamo munene.”
^ Kutse “akasimo.”
^ Kutse “emyondo; eminengele.” Omwondo ni muhanda w’embwa y’omoli.
^ Kutse “esyonafsi syetu syabirighuswa.”
^ Kinywa-kwa kinywa “utukombole; ututongolaye.”
