Esyonyimbo 48:1-14
Olwimbo. Omuziki w’abaghala ba Kora.
48 Yehova ni mukulu kandi atolere kutsibu eripipwaOmo muyi w’oMungu wetu omo kitwa kibuyirire.
2 Ekitwa kye Sioni kiri oko luhande lw’endata olwa hali,Obuli bwakyo bukanzisaya kandi ni butseme bw’ekihugho kyosi,Omuyi w’Omwami Mukulu.
3 Omo manyumba wakyo mali-mali awakongotere,OMungu abiriminyisya ngoko ni busayiro obusikire.*
4 Kusangwa lebaya! abami babirihindana;*Babirilola embere yo haghuma.
5 Mubabya babilangirakyo, mubasweka kutsibu.
Mubayibulamo omutima neritibita ibanakwire obuba.
6 Ibane eyo, mubatsuka erititimana,Amaghali awali ng’aw’omukali oyukasonda eributa mwabahikira.
7 Iwe ukabunanga amato we Tarsisi omo rihunga ry’eyo eryuba likasira.
8 Twabiriyilangirira ebyo twabya tukowaOmo muyi wa Yehova w’emilondo, omo muyi w’oMungu wetu.
OMungu akendisyahanganiagho ndeke kera na kera. (Sela)
9 Mungu, tukaghaniraya oko lwanzo lwaghu oluteleghula,Omo hekalu yaghu.
10 Mungu, ng’erina lyaghu, eripipa ryaghuRikahika oko nduli-nduli sy’ekihugho.
Ebyala byaghu by’amali byoswiremo eritunganene.
11 Ekitwa kye Sioni kiyitsangure,Emiyi* mike-mike ye Yuda yitseme busana n’eritswera lyaghu.
12 Mutimbe oko Sioni, mutimbe oko mbande syayo syosi.
Mughanze amanyumba wayo mali-mali.
13 Mughaniraye kutsibu oko syombimbo* syayo esiwatire.
Muyiteghereraye amanyumba wayo mali-mali awakongotere,Mutoke erisyakanirya emyatsi eyo ebizazi* ebikasa.
14 Kusangwa oMungu oyu, ni Mungu wetu kera na kera.
Akendisyatusondola erihika kera na kera.*
Amaelezo awehikwa
^ Kutse “ah’endata ahasikire.”
^ Kutse “babirihindana kusangwa mubakalaghana.”
^ Kinywa kwa kinywa, “abali be Yuda.”
^ Kutse “oluba.”
^ Kutse “esyondengo.”
^ Kutse alinga, “erihika aho tukendisyaholera.”
