Esyonyimbo 49:1-20
Oko musondoli. Ni lw’abaghala ba Kora. Omuziki.
49 Inywe bitunga by’abandu, muhulikirire kino.
Muteghe amatwi inywe bikalani b’ekihugho,*
2 Abake-bake n’abakulu-bakulu,*Abateke n’abera abosi haghuma.
3 Obuno bwaghe bukendikania ebinywa by’amenge,N’erighanirya ly’omutima waghe rikendikangania obuyiteghererya.
4 Ngenditegha amatwi oko musyo;Ngendikumbula endekerano yaghe omo nanga.
5 Hane ekyangaleka inasagha omughulu w’obuhanya,Omughulu nitimbirweko n’obubi* bw’abanzire inawa?
6 Abakayiketera obuteke bwaboN’abakayihalamba busana n’obuteke bwabo bunene,
7 Sihali n’omughuma wa kubo oyo wangakombola mulikyaboKutse eriha oMungu y’endihi* busana naye,
8 (Ebeya ey’endihi y’engebe* yabo ni y’obughuli buneneSibendisyatoka n’ahake erilihayo);
9 Atoke eribyaho kera na kera inyatalangira ekyuna.*
10 Akalangira ngoko nibya n’abandu b’amenge bakahola;Abakiru n’ab’obwenge bukuhi bakahwaho haghuma,Obuteke bwabo ibasighirabo abandi.
11 Bakayisunza omo mitima yabo bati amanyumba wabo abyeho kera na kera,Amahema wabo abyeho erihika oko kizazi* n’ekindi.
N’ebitaka byabo bakahabyo amena wabo.
12 Nikwa omundu nomo angabya w’olukengerwa, ekyo sikyangaleka akatendihola;Syalengire esyonyama esikahola.
13 Eyi ye nzira y’abakiruN’abakakwamabo abakatsemera ebinywa byabo eby’eriyihalamba. (Sela)
14 Babiritswerwa erisyaya omw’Isinda* ng’esyombuli esikakerawa.
Oluholo lukendisyabya mulisya wabo;Omutunganene akendisyatabala kubo engyakya.
Ebyosi ebibalebirye bikendisyibiriranwa;Eyisinda* ikendisyabya bwikalo bwabo.
15 Nikwa oMungu akendisyanibohola* oko maka* w’Eyisinda,*Kusangwa akendisyaniwatirira. (Sela)
16 Isighubaha kundi omundu amabya muteke,Isighubaha kusangwa olukengerwa lw’enyumba yiwe lunemukanya,
17 Kusangwa omughulu akahola syalighenda n’ekyosi-kyosi;Olukengerwa lwiwe silulighenda haghuma naye omw’isinda.
18 Kusangwa omughulu omundu akineho, akayisima iyuwene-wene.
(Ukabya wayitundikania abandu bakakupipa.)
19 Aliwe oko nduli akahindanaya ekizazi* ky’abotata-kulu wiwe.
Syendisyasyalangira ekyakakala.
20 Omundu oyutasi emyatsi eyi, nomo angabya w’olukengerwa,Syalengire esyonyama esikahola.
Amaelezo awehikwa
^ Kutse “emighulu.”
^ Kinywa kwa kinywa, “abaghala b’abandu.”
^ Kinywa kwa kinywa, “ekibi.”
^ Kutse “endongolya.”
^ Kutse “enafsi.”
^ Kutse “eyisinda.”
^ Kutse “olulengo.”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “akendisyabohola enafsi yaghe.”
^ Kinywa kwa kinywa, “ebyala.”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “olulengo.”