Esyonyimbo 5:1-12
Oko musondoli busana n’Enehiloti.* Omuziki wa Daudi.
5 Yehova, uhulikirire ebinywa byaghe;Wowe erisimba lyaghe.
2 Omwami waghe n’oMungu waghe, wowe erilaka lyaghe,Kusangwa n’iwe ngasaba.
3 Yehova, ukowa omulenge waghe omo tututu;Omo tututu ngakubwira erihangya-hangya lyaghe n’erilindirira butsir’iluha.
4 Kusangwa sighuli Mungu oyukatsemera obubi;Sihali omubi oyo wangasighala aho uli.
5 Omundu w’emiyiheko syangimana embere syaghu.
Uponire abosi abakakola ebibi;
6 Ukendisyaherya abakabugha amabehi.
Yehova akakwa nye abatsururu n’abatebya.*
7 Nikwa ngendisyaya omo nyumba yaghu busana n’olwanzo lwaghu lunene oluteleghula;Ngendisyunama inalolerya obusu bwaghe eyiri ehekalu yaghu eyibuyirire* inine n’obuba bw’erikusikya.
8 Yehova, unisondole omo ritunganene lyaghu busana n’esyonzighu syaghe;Unikomeraye enzira yaghu.
9 Kusangwa sihali ekyosi-kyosi ekyo bakabugha ekyangayiketerwa;Ebibi bisa byo bine omo mitima yabo;Emimero yabo yiri ng’eyisinda eyitalibire;Bakasehaya omo syondimi syabo.*
10 Nikwa oMungu akendisyabaghanza mo bandu abaliko olubanza;Bakendisyawa busana n’esyombita syabo.
Babingirawe hali busana n’ebibi byabo bingyi,Kusangwa babiriyisamambula okw’iwe.
11 Nikwa abosi abakasaghira eyo uli bakendisyatsema;Bakendisyuta obwogho bw’obutseme mughulu wosi.
Ukendisyateyabo okw’ingirirwa,N’abanzire erina lyaghu, bakendisyayisyandira omw’iwe.
12 Kusangwa Yehova, ukatsumula obuli mundu oyutunganene;Erilighabo lyaghu likendisyabatimbako ng’engabo nene.
Amaelezo awehikwa
^ Ulebaye Amaana w’ebinywa.
^ Kutse “omundu oyukuta omusasi n’omundu w’amatebo.”
^ Kutse “ahabuyirire.”
^ Kutse “bakakolesaya olulimi olutendere.”
