Esyonyimbo 50:1-23
Omuziki wa Asafu.
50 Yehova,* oMungu w’emiungu, abiribugha;Akabirikira ekihughoEritsuka okw’ihuluka ry’eryuba erihika okw’irenga lyaryo.*
2 OMungu akakoleraya erilua e Sioni, omuyi owawite obubuya obuhika-hikene.
3 OMungu wetu akasa kandi syendibya bukutu,Embere siwe, hali omuliro owakaghulumiraN’ekihunga ekikalire kikabuhirira erimutimbako.
4 Akabirikira olubula n’ekihugho,Atoke eritswera abandu biwe:
5 “Munihindaniraye abataleghula baghe embere syaghe,Abakakola naghe endaghane erilabira obuhere.”
6 Olubula lukatula eritunganene riwe,Kusangwa oMungu ni Mutsweri. (Sela)
7 “Bandu baghe, muhulikirire ngendibugha;Iwe Israeli, ngenditeka obwimiri bw’erikangania ngoko uliko olubanza.
Ingye indi Mungu waghu.
8 Sindikukunga busana n’amahere waghu,Kutse busana n’amahere waghu wosi w’eryokereryaAwakabya embere syaghe mughulu wosi.
9 Sinilaghire eriimya enume y’ende erilua omo nyumba yaghuKutse esyombene* erilua omo bihango byaghu
10 Kusangwa esyonyama syosi sy’omoli ni syagheNibya n’esyonyama esiri oko bitwa elfu.
11 Nyinasi obuli nyunyu y’oko bitwa;Obutaghanzika bw’esyonyama esiri omoli ni syaghe.
12 Nilue nikwire enzala, siniryendikubwiraKusangwa ekitaka n’ebyosi ebiri kukyo, ni byaghe.
13 Nanganalya esiswi sy’esyonume sy’esyonde,Kutse erinywa omusasi w’esyombene?
14 Uhe oMungu y’erisima lyaghu mo buhereKandi ulihe ebyo wabiriyilagha oko w’Endata Kutsibu.
15 Unilakire omo mughulu w’obuhanyaNgendikulamya, naghu iwanipipa.”
16 Nikwa oMungu akendisyabwira omubi ati:
“Unawite ehamuli y’erikania oko bighenderwako byagheKutse erikania oko ndaghane yaghe?
17 Kusangwa uponire erikungwa,*N’ebinywa byaghe, ukabera eribindukiryabyo omughongo.*
18 Ukabya walangira omwibi, ukalighirana naye,*Kandi ukatamba n’abasingiri.
19 Ukakolesaya obuno bwaghu erilalaghania ebituwene,N’oko lulimi lwaghu kuli amatebo.
20 Ukikala n’eribugha muhanda oko mughala wenyu-wenyu;Ukabisula amakosa* wa mughala wa mama waghu.
21 Omughulu wakola emyatsi eyi, munabya bukutu,Neryo muwalengekania uti ko ninemwendibya nga we.
Neryo lino ngendikukunga,Kandi ngendikukangya olubanza lwaghu.
22 Inywe mukibirirawa oMungu, mulengekanaye okw’eki,Ngasyabatulanga mo bihande-bihande isihali oyo wangabalamya.
23 Oyukamba erisima liwe mo buhere, akamba olukengerwa,N’oyukakwama enzira ayabirihirwaho,Ngendisyaleka inialangira omulamo w’oMungu.”
Amaelezo awehikwa
^ Kutse “oMungu, Yehova.”
^ Kutse “eritsuka oko luhande lw’eyo eryuba rikahuluka erihika oko luhande lw’eyo rikalengera.”
^ Kinywa kwa kinywa, “esyombaya.”
^ Kutse “erihanwa.”
^ Kinywa kwa kinywa, “erighusabyo enyuma syaghu.”
^ Kutse alinga, “ukayighunga okw’iye.”
^ Kutse “ukatsandaya erina.”
