Esyonyimbo 52:1-9
Oko musondoli. Maskil.* Olwa Daudi omughulu Doegi Omuedomu asyabwira Sauli ati Daudi mwakahika ewa Ahimeleki.
52 Busanaki ukayihalamba busana n’emibiiri yaghu mibi, iwe mundu w’amaka?
Olwanzo oluteleghula lw’oMungu lukabyaho omo musibo wosi.
2 Olulimi lwaghu olutwire ng’ekitibo,*Lukasunza ebikahutalaya kandi lukakola omo butebya.
3 Wanzire ekibi kwilaba ekyuwene,Wanzire eribugha amabehi kwilaba eribugha ekihikire. (Sela)
4 Wanzire obuli kinywa ekikahutalaya,Iwe lulimi lw’amatebo!
5 Busana n’ekyo, oMungu akendisyakuherya olwosi;Akendisyakuhamba n’erikwimura omo hema yaghu;Akendisyakukula omo kihugho ky’abaliho. (Sela)
6 Abatunganene bakendisyalangira ekyo neryo ibabyamo obuba bunene,Neryo bakendisyamuseka.
7 “Oyu, yo mundu oyutayira oMungu mo busayiro bwiwe,*Aliwe mwayiketera* obuteke bwiwe buneneKandi mwahira eriyiketera* liwe omo myatsi mibi eyo akapanga.
8 Nikwa ingye, ngendisyabya omo nyumba y’oMungu ng’omuti w’omuzeituni owaliko ebiti binene;Ngendisyayiketera olwanzo lw’oMungu oluteleghula kera na kera.
9 Ngendisyakupipa kera na kera busana n’ebyo wabirikola;Embere sy’abataleghula baghu,Ngendisyayiketera erina lyaghu, kusangwa ekyo kyowene.
Amaelezo awehikwa
^ Ulebaye Amaana w’ebinywa.
^ Kutse “olughembe.”
^ Kutse “ahakongotere.”
^ Kutse “muwama omo.”
^ Kinywa kwa kinywa, “emyatsi mibi eyo akaleta.”