Esyonyimbo 55:1-23
Oko musondoli; ni lw’erimbira oko byombo byomuziki eby’esyosinga. Maskili.* Olwa Daudi.
55 Mungu, uhulikirire omusabe waghe,Kandi isiwayiloleraya oko musabe waghe w’erisaba obughanyiri.*
2 Uniteghe okutu kandi unisubiraye.
Ngayibula-bula busana n’erihangya-hangya ryaghe.
Kandi nabirihandabuka
3 Busana n’ebyo enzighu ikabughaNa busana n’akahatikano k’omubi.
Kusangwa bakanilundikako amaligho,Kandi omo buhitane bakanibikako ekinigha.
4 Omutima waghe akaghalirawa emwisi syaghe,N’obuba bw’oluholo bukanita.
5 Obuba n’erititimana bikanihikiraKandi ngasukana.
6 Ngabera eriyibwira niti: Nga nilue niwite ebipupa ng’akalikuku!
Nangaghulukire n’eriyikala mbolere.
7 Lebaya! Nangaghulukire inaya hali.
Nangaghendire eriyikala omo mbwarara.
8 Nang’anguhire eriya ahali obuwamo.
Hali oko rihunga erikalire, hali oko kihunga.
9 Yehova, uhirebo omw’ibulungana,Kandi ulita-litaye emipango yabo,*Kusangwa nabirilangira obutsumbu-tsumbu omo muyi.
10 Bakatimba-timba oko mbimbo syagho;Omo musibo n’omo kiro alimo obubi n’omwagha.
11 Eritsandibwa riri mugho;Erinuba n’amatebo sibiribula omo bibugha byabo.
12 Enzighu yo yitenyendereraya;Ko bilue bitya, nangahandire omutima.
Enzighu yo yitalyahangana erilwa naghe;Ko bilue bitya, niryendiyibisa isiyanibana.
13 Aliwe niwe, omundu ng’angye,*Omulikyetu oyo nyasi ndeke.
14 Itukatsemera obwira obuwene bo haghuma;Itubeghere erighenda omo nyumba y’oMungu n’ekikumula ky’abandu.
15 Eritsandibwa ribahikire kitsumbukirania!
Bandaghalire omw’Isinda* ibaneho;Kusangwa obubi bwikere haghuma nabo kandi buli omw’ibo.
16 Aliwe ingye, ngendisyalakira oMungu,Na Yehova akendisyanilamya.
17 Omw’igholo, n’omo tututu n’omw’itungyi, ngahanga-hangaya* n’erisimba,Naye akowa omulenge waghe.
18 Akendinilamya* n’erimba* obuholo busana n’abosi abakalwa naghe,Kusangwa ebikumula by’abandu bikasa erilwa naghe.
19 OMungu akendyowa n’eribasubirya,Oyo wikere oko kitumbi ky’obwami erilua kera. (Sela)
Bakendisyaghana eribinduka,Abatitubaha oMungu.
20 Mwalwa* n’ababya omo buholo haghuma naye;Mwaketa endaghane yiwe.
21 Ebinywa biwe bihehere ng’amasabu awakamatire,Aliwe omo mutima wiwe muli amalwa.
Ebinywa biwe bihehere kwilaba amaghuta,Aliwe ni miyali eyabirighusungulwa.
22 Ughusire Yehova y’emiheke yaghu,Naye akendisyakuwatikya.
Syendisyaleka n’ahake omutunganene akawa.*
23 Nikwa iwe Mungu, ukendisyandaghaliryabo omo kyuna kiri-kiriAbaliko olubanza* lw’omusasi n’abatebya sibendisyahikira enusu y’ebiro byabo.
Nikwa ingye, ngendisyayiketera we.
Amaelezo awehikwa
^ Ulebaye Amaana w’ebinywa.
^ Kutse “isiwayibisa omughulu ngasaba obughanyiri.”
^ Kinywa kwa kinywa, “ughabe olulimi lwabo.”
^ Kutse “omundu oyulingirirene naghe.”
^ Kutse “Esheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “ngahandabuka.”
^ Kinywa kwa kinywa, “akendinitongolya.”
^ Kutse “eriha enafsi yaghe.”
^ Ni bugha ambu, omwira olya, oyulyahulawa omo mulondo we 13, 14.
^ Kutse “akaghuna-ghuna; akaghololoka.”
^ Kutse “omusango.”
