Esyonyimbo 56:1-13
Oko musondoli; luleghere oko “Kalikuku Kakutu Akali Hali.” Olwa Daudi. Miktamu.* Omughulu Abafilistini bamuhamba e Gati.
56 Mungu, unikanganaye olukogho; kusangwa omundu buyira akanyendako omwagha.*
Omo musibo wosi bakalwa naghe n’erininubya.
2 Omo musibo wosi, esyonzighu syaghe sikasondekanaya erinibughaho;Abangyi bakalwa naghe omo miyiheko.
3 Omughulu ngubaha, ngayiketera we.
4 OMungu—oyo ngapipa ekinywa kiwe—
Niyiketere oMungu; sinikwire buba.
Omundu buyira* anganikolaki?
5 Omo musibo wosi bakatsandaya emyatsi;Ekine omo malengekania wabo rye n’erinikola nabi.
6 Bakayibisa batoke erinilimbya;Bakalebaya ahosi aho ngalaba,Ibawite amaha w’eribughaho obuyingo* bwaghe.
7 Ughanebo busana n’obubi bwabo.
Mungu, ukinde ebihanda omw’ihitana lyaghu.
8 Ukayiteghereraya erighanga-ghanga lyaghe lyosi.
Ukuma-kumire emisonia yaghe omo tsupa yaghu y’engobi.
Siyihandikire omo kitabu kyaghu kwehi?
9 Ekiro ngendisyakulakira ngasaba obuwatikya, esyonzighu syaghe sikendisyasuba enyuma.
Nikirirye kino: OMungu ali oko luhande lwaghe.
10 OMungu—oyo ngapipa ekinywa kiwe—
Yehova—oyo ngapipa ekinywa kiwe—
11 Niyiketere oMungu; sinikwire obuba.
Omundu buyira anganikolaki kwehi?
12 Mungu, ebyo nabiriyilagha okw’iwe binibohire;Ngendisyakuherera ebinywa by’ewasingya.
13 Kusangwa wabirinilamya* oko luholoKandi wabileka ebisando byaghe ibitatwikala,Nitoke erilendera embere sy’oMungu omo kyakakala ky’abaliho.
Amaelezo awehikwa
^ Ulebaye Amaana w’ebinywa.
^ Kutse “bakasonda erinibughaho.”
^ Kinywa kwa kinywa, “omunyoku.”
^ Kutse “enafsi.”
^ Kutse “wabirilamya enafsi yaghe.”